Jioએ લાવેલા ‘અચ્છે દિન’ હવે પૂરા થશે! ખિસ્સા હળવા કરવા તૈયાર રહેજો....

જાણકારોનું માનીએ તો હાલમાં બજારમાં જિઓ ઉપરાંત એરટેલ અને વોડાફોન જ બે મોટી કંપની બચી છે. એવામાં ટેરિફ પ્લાનની કિંમત વધારવા માટે વાતાવરણ તૈયાર થઈ રહ્યું છે, જોકે હજુ સુધી જિઓ, વોડાફોન, આઈડિયા કે એરટેલે આ મુદ્દે કોઈ નિવેદન આપ્યું નથી. અહેવાલ અનુસાર કંપની તેના માસિક પ્લાનની કિંમતમાં ભારે વધારો કરી શકે છે.

નવી દિલ્હીઃ વિતેલા બે વર્ષથી ટેલીકોમ બારમાં એક ટેરિફ વોર ચાલી રહ્યું હતું જે હવે ખત્મ થવાની કગાર પર છે. આ ટેરિફ વોર દરમિયાન તમામ ટેલીકોમ કંપનીઓએ એક પછી એક અનેક ઓફર્સ રજૂ કરી પરંતુ વિતેલા કેટલાક મહિનાથી બજારમાં સન્નાટો છવાઈ ગયો છે અને આ એ વાતના સંકેત આપે છે કે એક લાંબા મૌન બાદ હવે ડેટા પ્લાન અને ટેરિફ પ્લાનની કિંમતમાં વધારો થવાનો છે.

એક્સપર્ટ્સ અને ઇન્ડસ્ટ્રીઝ એક્ઝિક્યૂટિવ્સનું માનવું છે કે, આગામી બે મહિનામાં ટેરિફ પ્લાનની કિંમતમાં વધારો થશે અને તેની સાથે જ વિતેલા બે વર્ષથી ચાલી આવેલ ટેરિફ વોર ખત્મ થઈ જશે. એક્સપર્ટ્સનું કહેવું છે કે, કિંમત વધવાના મામલે રિલાયન્સ જિઓની મહત્ત્વની ભૂમિકા હશે, કારણ કે જિઓને કારણે જ કિંમતોમાં ઘટાડો આવ્યો હતો.

સપ્ટેમ્બર 2016થી જ બજારમાં એન્ટ્રી કરવાની સાથે જિઓએ સસ્તા અને ફ્રી પ્લાનથી ધૂમ મચાવી રાખી છે. જિઓના ટેરિફ પ્લાનની કિંમત ઓછી હોવાને કારણે અન્ય કંપનીઓએ પણ પોતાના ગ્રાહકોને જાળવા રાખવા માટે સસ્તા પ્લાન રજૂ કરવા પડ્યા. અનેક કંપનીઓ તો આ ટેરિફ વોરમાં ફેંકાઈ ગઈ.