Jio Effect: આઈડિયાએ ઉતાર્યો નવો પ્લાન, મળસે 84 દિવસ માટે 126GB ડેટા

આઈડિયા સેલ્યૂલરની વેબસાઇટ પર આ પ્લાનને લઈને આપવામાં આવેલ જાણકારી અનુસાર આ પ્લાનની કિંમત 697 રૂપિયા છે. જેમાં 84 દિવસ સુધી દરરોજ 1.5 જીબી ડેટા મળશે. તેની સાથે લોકલ અને એસટીડી અનલિમિટેડ કોલિંગ મળશે. કંપનીના આ પ્લાનમાં અનલિમિટેડ રોમિંગ કોલિંગ પણ આપવામાં આવી રહ્યા છે.

84 દિવસોના પ્લાનની વાત કરીએ તો એરટેલ અને જિઓ પણ 84 દિવસના વેલિડિટીવાળા પ્લાન આપી રહ્યા છે જેમાં દર મહિને 1 જીબી ડેટા મળી રહ્યો છે પરંતુ આ પ્લાનની કિંમત 399 રૂપિયા છે. એરટેલના 399 રૂપિયાવાળા પ્લાનમાં 84 દિવસ માટે 1 જીબી 4જી ડેટા મળી રહ્યો છે જ્યારે જિઓના 399 રૂપિયાવાળા પ્લાનમાં પણ આ જ ઓફર સાથે આવે છે.

જિઓ 399 રૂપિયા ઉપરાંત 349 રૂપિયાનો પ્લાન પણ આપી રહ્યું છે જેમાં યૂઝરને 56 દિવસ માટે અનલિમિટેડ કોલિંગ અને 20 જીબી ડેટા મળશે.

નવી દિલ્હીઃ રિલાયન્સ જિઓની એન્ટ્રીથી ટેલીકોમ ઉદ્યોગમાં જોરદાર સ્પર્ધા જામી છે. આ વધતી સ્પર્ધાને ધ્યાનમાં રાખતા આઈડિયાએ પોતાના ગ્રાહકો જાળવી રાખવા માટે નવો પ્લાન ઉતાર્યો છે. આઈડિયાએ પોતાના પ્રી-પેડ યૂઝર્સને 84 દિવસ માટે 126 જીબી ડેટા આપી રહ્યું છે.