Jioની રિપબ્લિક ડે ઓફર, ઘટાડી પ્લાનની કિંમત, 50% ડેટા મળશે વધારે, જાણો ઓફર્સ વિશે...

જિયો ફ્લેગશિપ 399 રૂપિયા વાળા પ્લાનને હવે 84 દિવસ માટે ફ્રી વૉઈસ, અનલિમિટેડ ડેટા (1.5 GB ડેઈલી), અનલિમિટેડ મેસેજ અને જિયો એપનું પ્રીમિયમ સબસ્ક્રીપ્શન આપશે.

તમામ વર્તમાન ડેઈલી 1 GB વાળા પેક્સને વધારે ડેઈલી 1.5 GB કરી દેવામાં આવ્યા છે. 1.5 GB વાળા પેકને પ્રતિદિવસ 2 GBના કરી દેવામાં આવ્યા છે.

જિયોએ દાવો કર્યો છે કે, તેના પ્લાન્સ અન્ય કંપનીઓના પ્લાન્સથી 50 રૂપિયા સસ્તા છે અને સમાન કિંમતોમાં 50% વધુ ડેટા આપવામાં આવી રહ્યો છે.

નવી દિલ્હીઃ એરટેલ બાદ હવે રિલાયન્સ જિઓએ પણ પોતાના તમામ પ્લાન્સની કિંમતમાં ઘટાડો કર્યો છે. તેની સાથે જ આ પ્લાન્સમાં રિલાયન્સ જિઓએ ડેટાની લિમિટ પણ વધારી દીધી છે. હવે જિઓએ પોતાના પ્લાન્સની કિંમતમાં 50 રૂપિયાનો ઘટાડો કર્યો છે. તેની સાથે હાઈ સ્પીડ ડેટાની લિમિટડ પણ 50 ટકા સુધી વધારી દીધી છે.

નવા ટેરિફ 26 જાન્યુઆરી 2018થી ઉપલબ્ધ રહેશે. કંપનીએ પહેલીવાર 98 રૂપિયાનો પ્લાન લોન્ચ કર્યો છે. આ ધમાકેદાર ઑફર અંતર્ગત ગ્રાહકોને 28 દિવસ સુધી મફત વૉઈસ કૉલ્સ અને અનલિમિટેડ ડેટા મળશે.