મારુતિ સુઝુકીએ આ સેડાન કારને કરી રિકોલ, જાણો શું છે પ્રોબ્લેમ

આ સર્વિસ કેમ્પેન માત્ર નવી ફેસલિફ્ટ મારુતિ સુઝુકી સિયાઝ માટે છે. જેને ભારતમાં 20 ઓગસ્ટ, 2018ના રોજ લોન્ચ કરવામાં આવી હતી. કંપનીએ જાણકારી આપી છે કે કારના ટોપ સ્પેસિફિકેશન્સવાળા Zeta અને Alpha વેરિયન્ટ્સ જ પ્રભાવિત થયા છે. કાર માલિક કંપનીની વેબસાઇટ પર જઈને તેમની કાર કેમ્પેનમાં સામેલ છે કે નહીં તે ચેક કરી શકે છે. વેબસાઇટ પર જઈ ગ્રાહકોએ તેમની કારનો ચેસિસ નંબર નાંખવો પડશે.

સિયાઝ ડીઝલના 880 યૂનિટ્સ રિકોલ કરવામાં આવ્યા છે. જેમાં 1 ઓગસ્ટથી લઈ 21 સપ્ટેમ્બર 2018 સુધી તૈયાર કરવામાં આવેલા યુનિટ્સનો સમાવેશ થાય છે. આ દરમિયાન બનેલી કાર જે તે ગ્રાહકે ખરીદી હશે તેમનો મારુતિ સુઝુકી ડીલર્સ દ્વારા પાર્ટ્સ બદલવા માટે સંપર્ક કરવામાં આવશે.

મારુતિ સુઝુકી સિયાઝ 2018ના ફેસલિફ્ટ વર્ઝનને અનેક અપડેટ્સ સાથે લોન્ચ કરવામાં આવી હતી. તેમાં નવી ગ્રિલ આપવામાં આવી હતી. ઉપરાંત હેડલેમ્પ્સને રિફ્રેશ કરવામાં આવ્યા હતા. ઉપરાંત નવા અલોય આપવાની સાથે અનેક નવા અપડેટ્સ પણ ઉમેરવામાં આવ્યા હતા.

નવી દિલ્હીઃ 2018 મારુતિ સુઝુકી સિયાઝ ડીઝલ કારના Zeta અને Alpha વેરિયન્ટ્સને ભારતમાં સ્પીડોમીટર એસેમ્બલી અને ઓનર્સ મેન્યુઅલની તપાસ કરવા તથા બદલવા માટે રિકોલ કરવામાં આવ્યા છે. કંપનીના જણાવ્યા મુજબ આ એક સર્વિસ કેમ્પેન છે અને કારમાં સુરક્ષા સંબંધી કોઈ ખામી નથી.