મોંઘા પેટ્રોલ-ડીઝલનો આ લોકોએ શોધી કાઢ્યો જુગાડ, અહીં મળે છે 15-18 રૂપિયા સસ્તું

આ મામલે નેપાળ ઓઈલ કોર્પોરેશનના (NOC)ના એક ઓફિસરે જણાવ્યું કે, પાછલા થોડા દિવસોથી ભારત નજીકની બોર્ડર આસપાસના વિસ્તારોમાં પેટ્રોલ-ડીઝલના વેચાણમાં 15થી 20 ટકાનો વધારો જોવા મળ્યો છે.

બિહારના સીતામાર્હીમાં લોકો નેપાળથી સસ્તુ પેટ્રોલ અને ડીઝલ ખરીદીને તેને ભારતમાં વેચે છે. આ શહેર નેપાળ બોર્ડરથી માત્ર 30-40 કિમી દૂર આવેલું છે.

બુધવારે સવારે પેટ્રોલની પ્રતિ લિટર કિંમત દિલ્હીમાં 78.42, મુંબઈમાં 86.23, કોલકાતામાં 81.05 અને ચેન્નઈમાં 81.42 રૂપિયા છે. જ્યારે ડીઝલની પ્રતિ લિટર કિંમત દિલ્હીમાં 69.30, કોલકાતામાં 71.85, મુંબઈમાં 73.78 અને ચેન્નઈમાં 73.17 રૂપિયા છે. જ્યારે નેપાળમાં આ પેટ્રોલની કિંમત 67.81 રૂપિયા અને ડીઝલની કિંમત 56.56 રૂપિયા છે. જોકે ભારતના 100 રૂપિયા બરાબર નેપાળના 160.15 રૂપિયા કિંમત થાય છે.

નવી દિલ્હીઃ દેશમાં ભરે પેટ્રોલ મોંઘું હોય પરંતુ નેપાળને અડીને આવેલ બિહારના સરહદ વિસ્તારમાં તેની કોઈ અસર જોવા નથી મળી રહી. બિહારના સરહદ વિસ્તારમાં લોકો હવે નેપાળથી પેટ્રોલ અને ડીઝલ ખરીદી રહ્યા છે. કારણ કે તેમને નેપાળમાં પેટ્રોલ અને ડીઝલ ખૂબ જ સસ્તામાં મળી રહ્યા છે.

નેપાળના સરહદ વિસ્તારમાં આજકાલ પેટ્રોલની કિંમત 108.50 નેપાળી રૂપિયા (અંદાજે ભારતીય 67.81 રૂપિયા) છે અને ડીઝલ 90.5 નેપાળી રૂપિયા (અંદાજે 56.56 રૂપિયા) છે જ્યારે બિહારમાં પેટ્રોલ 83.59 રૂપિયા અને ડીઝલ 73.66 રૂપિયા છે. આ રીતે નેપાળ કરતાં બિહારમાં પેટ્રોલ 15.78 અને ડીઝલ 17.10 રૂપિયા મોંઘું મળી રહ્યું છે.

જોકે હાલમાં NOC બિહાર બોર્ડર આસપાસના પેટ્રોલપંપ દ્વારા થઈ રહેલા નફાથી ખુશ છે, જ્યારે બિહારમાં પેટ્રોલપંપોને નુકસાન થઈ રહ્યું છે. અહીં ખાસ વાત એ છે કે ભારતમાંથી રોજના 250 ટેન્કર પેટ્રોલિયમ પ્રોડક્ટ્સ નેપાળમાં મોકલવામાં આવે છે. ભારતમાં ઘણા બઘા ટેક્ષના કારણે પેટ્રોલની કિંમતો ખૂબ વધારે છે, જ્યારે નેપાળમાં સિંગલ ટેક્ષ પોલિસી છે.