Jioના ગ્રાહકો માટે ખુશખબર, અહીંથી રૂપિયા 303નું રિચાર્જ કરાવવા પર મળશે ડિસ્કાઉન્ટ, જાણો

Paytm વોલેટ એ સેમી ક્લૉઝ્ડ વૉલેટ છે, એટલે કે આમાં કેશ જમા કરાવી શકો છો પણ કાઢી નથી શકતા. આનાથી અલગ અલગ લૉકેશન પર સામાન-વસ્તુઓનું પેમેન્ટ કરી શકાય છે. શરૂઆતમાં આનાથી મોબાઇલ, ડીટીએચ અને બીલનુ પેમેન્ટ કરી શકાતું હતું, જોકે, પછીથી કંપનીએ આને ઇ-કોમર્સ કંપની બનાવી દીધી, જેથી વૉલેટમાં જમા થયેલા રૂપિયાથી યૂઝર પોતાની મરજી મૂજબ ખર્ચ કરી શકે છે.

પેટીએમનો યૂઝ કઇ રીતે કરવો?: વેબસાઇટ કે એપ પર આને યૂઝ કરવા માટે યૂઝરને લૉગીન ID બનાવવું પડે છે, આ માટે મોબાઇલ નંબર કે ઇમેઇલ ID નાંખી પાસવર્ડ સેટ કરવાનો હોય છે. ત્યારપછી વેરિફિકેશન કૉડની સાથે લૉગીન કરી કેટલાય કામ કરી શકો છો.

યૂઝર્સ Paytm એપ અને તેની ઓફિશિયલ વેબસાઇટ બન્ને જગ્યાએથી રિલાયન્સ જિઓનું રિચાર્જ કરાવી શકે છે. રિચાર્જ પર જે ડિસ્કાઉન્ટ આપવામાં આવશે તે બન્ને જગ્યાએથી મળશે. Paytm પર જિઓ પ્રાઇમ મેમ્બરશિપ રિચાર્જની સાથે ફૂલ ટૉકટાઇમ, 3G/4G ડેટા, 2G ડેટા, ટૉપ અપ, સ્પેશ્યલ રિચાર્જ અને રૉમિંગની કેટેગરી આપવામાં આવી છે.

Paytm જિઓ યૂઝર્સ માટે શાનદાર ઓફર લઇને આવ્યું છે. Paytmથી જિઓનું રિચાર્જ કરાવવા પર તમને ડિસ્કાઉન્ટ આપવામાં આવશે. જેમ કે કોઇ યૂઝર 303 રૂપિયા કે 499 રૂપિયાનો પ્લાન લે તો તેને તે રિચાર્જ પર 30 રૂપિયાની ડિસ્કાઉન્ટ ઓફર આપવામાં આવશે.

રિલાયન્સ જિઓના યૂઝર્સ માટે વધુ એક ખુશખબર છે. હવે તમે Paytmથી પણ રિચાર્જ કરી શકશો. આ પહેલા જિઓનુ રિચાર્જ ઓફિશિયલ વેબસાઇટ કે MyJio એપથી કરી શકાતું હતું, એટલે યૂઝર્સ પાસે રિચાર્જના અન્ય ઓપ્શન અવેલેબલ ન હતા. રિલાયન્સ જિઓ યૂઝર્સને 1લી એપ્રિલથી રિચાર્જ કરાવવું પડશે કેમકે તે મહિનાથી જિઓ પ્રાઇમ મેમ્બરશિપ પ્લાન શરૂ થઇ ચૂક્યા હશે.