અહીં ડીઝલ-પેટ્રોલ ખરીદવા પર મળી રહી છે 50% કેશબેકની ઓફર, જાણો શું છે શરત

નવી દિલ્હીઃ ડીઝલ અને પેટ્રોલ ખરીદવા પર 50 ટકાની કેશબેકની ઓફર ચાલી રહી છે. આ ઓફર Paytm અને હિન્દુસ્તાન પેટ્રોલિયમ કોર્પોરેસન લિમિટેડ મળીને આપી રહ્યા છે. આ ઓફરનો લાભ લેવા માટે એચપીના કોઈપણ પેટ્રોલ પંપથી ખરીદી કરવાની રહેશે. પેટ્રલો-ડીઝલ ખરીદ્યા બાદ પેટીએમથી પેમેન્ટ કરવાનું રહેશે.

તેના માટે એક ખાસ શરત છે કે પેમેન્ટ ક્યૂઆર કોડથી સ્કેન કરીને જ કરવાનું રહેશે. કેશબેક ત્યારે જ મળશે. તમને જણાવીએ કે, આ ઓફર બિહાર રાજ્ય માટે જ છે. આ ઓફરનો લાભ માત્ર બિહારના જ પેટ્રોલ પમ્પર પર મળી રહ્યો છે.

જ્યારે તમે HPના કોઈપણ પેટ્રોલ પંપથી પેટ્રોલ-ડીઝલ ખરીદો છો ત્યારે પૂરું પેમેન્ટ કરવાનું રહેશે. ત્યાર બાદ બિહારમાં દરેક એચપીના પેટ્રોલ પંપ પર દર સપ્તાહે 3 લકી વિજેતાઓને કેશબેક મળશે. આ ઓફરમાં ભાગ લેવા માટે યૂઝરે ઓછામાં ઓછા 300 રૂપિયાનું પેટ્રોલ પૂરાવું પડશે. લકી ડ્રોમાં નામ આવનાર વિજેતાને પેટીએમ વોલેટમાં 150 રૂપિયાનું કેશબેક આપવામાં આવશે. આ ઓફર 28 ડિસેમ્બર, 2017 સુધી ચાલશે.