પેટ્રોલ ડીઝલના ભાવમાં ફરી વધારો, જાણો ક્યાં કેટલા વધ્યા

નિષ્ણાતોનું કહેવું છે કે, હવે પછીના સમયમાં ભારતીય બજારોમાં પેટ્રોલ અને ડીઝનના ભાવ હજૂ વધવાના છે. પેટ્રોલ અને ડીઝલના ભાવમાં વધારો થવા પાછળ રૂપિયો મોટું કારણ છે. રૂપિયામાં ધટાડાના કારણે તેલ કંપનીઓ વારંવાર ભાવમાં ફેરફાર કરી રહી છે.

મુંબઇમાં મંગળવારે પેટ્રોલના ભાવમાં 10 પૈસાના વધારા પછી પેટ્રોલની કિંમત 89.54 રૂપિયા પ્રતિ લીટર થઇ ગઇ છે. જ્યારે ડીઝલના ભાવમાં 9 પૈસાના વધારા પછી ડીઝલની કિંમત 78.42 રૂપિયા પ્રતિ લીટર થઇ ગઇ છે.

નવી દિલ્હી: પેટ્રોલ ડીઝલના ભાવામાં સતત વધારો થઈ રહ્યો છે. આજે પેટ્રોલમાં 10 પૈસા પ્રતિ લીટરનો વધારો કરતા પેટ્રોલ 82.16 રૂપિયા પ્રતિ લીટર થઇ ગયું છે. જ્યારે ડીઝલમાં 9 પૈસાનો વધારો થતાં 73.87 રૂપિયા પ્રતિ લીટરના રેકોર્ડે ઉંચાઇ પર પહોંચી ગયું છે. અમદાવાદમાં મંગળવારે પેટ્રોલનો ભાવ 81.29 રૂપિયા પ્રતિ લીટર પહોંચ્યો છે. જ્યારે ડીઝલનો ભાવ પ્રતિલીટર 79.28 રૂપિયા છે.