મુકેશ-નીતા અને ઈશા અંબાણીએ જાતે પીરસ્યું, 4 દિવસ સુધી 5000થી વધુ લોકોને ફ્રી જમાડશે, જુઓ તસવીરો

મમ્મી-પપ્પાની જેમ દીકરી ઈશાએ પણ લોકોને જમવાનું પીરસ્યું હતું.

તસવીરમાં અંબાણી પરિવાર લોકોને પીરસતાં જોવા મળ્યા હતા. પ્રી-વેડિંગમાં સ્વદેશ બજાર નામનું પ્રદર્શન પણ લગાવવામાં આવી રહ્યું છે. જેમાં 108 ટ્રેડિશનલ ભારતીય કલાકારોની કલાનું પ્રદર્શન કરવામાં આવશે.

આ દરમિયાન ઈશાના સસરા અજય અને સાસુ સ્વાતિ પિરામલ, પિતા મુકેશ અંબાણી, માતા નીતા અંબાણી અને થનારો પતિ આનંદ પિરામલ પણ હાજર રહ્યા હતા. આ સેવા કાર્યક્રમ ઉદયપુરના નારાયણ સેવા સંસ્થાનમાં યોજાયો હતો. બંનેના લગ્ન મુંબઈમાં અંબાણીના ઘર એન્ટીલિયામાં 12 ડિસેમ્બરે થશે.

ઉદયપુરઃ અંબાણી પરિવાર દીકરી ઈશાના પ્રી-વેડિંગ માટે રાજસ્થાનના ઉદયપુર પહોંચી ગયો છે. અહીંયા પહોંચતા જ તેમણે 5100 લોકોને દિવસમાં ત્રણ વખત જમાડ્યા હતા. આ ભોજન કાર્યક્રમ શુક્રવારથી લઈ સોમવાર સુધી ચાલશે. દીકરીના લગ્ન પહેલા અંબાણી પરિવારે આશિર્વાદ માટે અન્ન સેવા કાર્યક્રમનું આયોજન કર્યું હતું. ઈશાના લગ્ન પહેલા પ્રી-વેડિંગ ફંક્શન 8 અને 9 ડિસેમ્બરે રાખવામાં આવ્યું છે.