સસ્તી ઓફર આપવા છતાં રિલાયન્સ Jioએ કર્યો તગડો નફો, જાણો વિગતે

રિયાયન્સ ઈન્ડસ્ટ્રીઝના ચેરમેન અને એમડી મુકેશ અંબાણીએ એક રિલીઝમાં જણાવ્યું હતું કે, Jioના મજબૂત નાણાંકીય પરિણામો Jioના બિઝનેસ મોડેલની મજબૂતાઈ બતાવે છે, અને કંપનીની પોતાના ગ્રાહકો તેમજ બિઝનેસ પાર્ટનર્સને વધુને વધુ આપી શકવાની ક્ષમતાને પણ પ્રદર્શિત કરે છે.

નવી દિલ્હીઃ રિલાયન્સ ઇન્ડસ્ટ્રિઈ નાણાંકીય વર્ષ 2018ના ચોથા ક્વાર્ટરમાં 17 ટકાની વૃદ્ધિ સાથે 9435 કરોડ રૂપિયાનો નફો કર્યો છે. તેનો મતલબ રિલાયન્સને દરરોજ 105 કરોડ રૂપિયાનો નફો થયો છે. તેમાં જિઓનો પણ મોટો ફાળો છે. ફ્રી વોઈસ કોલિંગ અને સસ્તી ડેટા ઓફર્સ આપવા છતાં કંપનીએ અન્ય ટેલિકોમ કંપનીઓની સામે વધારે કમામી કરી છે.

Jioએ જાન્યુઆરી-માર્ચ ક્વાટરમાં 510 કરોડ રૂપિયાનો નફો નોંધાવ્યો છે. કંપનીએ આ પહેલાના ક્વાર્ટરમાં પણ 504 કરોડ રૂપિયાનો નફો નોંધાવ્યો હતો. Jioની આવક પણ 3.60 ટકા વધીને 7120 કરોડ રૂપિયાએ પહોંચી ગઈ છે. હાલના આંકડાં અનુસાર, Jio કસ્ટમર દીઠ 137 રૂપિયાની માસિક કમાણી કરે છે.

Jioની યૂઝર દીઠ કમાણી અગાઉ 154 રૂપિયા જેટલી હતી, જે પ્લાન્સની કિંમતમાં ઘટાડો કરતાંરૂપિયા 137.10ના સ્તરે પહોંચી છે. જાન્યુ-માર્ચના ગાળામાં Jioની કુલ આવક અઢી ટકા વધીને 2,694 કરોડ રૂપિયા થઈ છે. દુનિયાના સૌથી મોટા ડેટા નેટવર્કમાં સામેલ Jioએ પોતાના કોમર્શિયલ ઓપરેશન્સના પહેલા વર્ષમાં 723 કરોડ રૂપિયનો નફો કર્યો છે.