ગાંગુલી, દ્રવિડ કે લક્ષ્મણ નહિં આ છે સચિન તેંડુલકરના બેસ્ટ ફ્રેન્ડ્સ

તેંડુલકર અને કાંબલી આ પહેલા મુંબઈમાં એક બુલ લોન્ચના અવસર પર જોવા મળ્યા હતા. આ પછી કાંબલીએ ટ્વીટ કર્યું હતું, ‘માસ્ટર બ્લાસ્ટર, આઈ લવ યૂ.’

નવી દિલ્હીઃ ક્રિકેટ લિજેન્ડ સચિન તેંડુલકરે એક તસવીર ઇન્સ્ટાગ્રામ પર શેર કરી જેમાં તેણે પોતાની મહાનતા અને મોટી દિલનો પરિચય આપ્યો છે. સચિન તેંડુલકરે તસવીર શેર કરતાં લખ્યું કે, રમતે તેમને સૌથી અદ્ભૂત વસ્તુ આપી જે છે જીવનભના મિત્રો. સચિનની આ તસ્વીરમાં સૌથી હેરાન કરાનારી બાબત આ તસ્વીરમાં તેની સાથે વિનોદ કાંબલીનું હોવું છે.

આ તસ્વીરમાં સચિનની સાથે ભારત અને મુંબઈના પૂર્વ અને ઝડપી બોલર અજીત અગરકર પણ નજર આવી રહ્યો છે. આ ઉપરાંત અમોલ મજૂમદાર અને નીલેશ કુલકર્ણી પણ આ તસ્વીરમાં છે.

સચિને કેપ્શન આપ્યું, ક્રિકેટે જીવનમાં મને જે સૌથી શાનદાર વસ્તુઓ આપી છે તેમાં જીવનભરના દોસ્તો શામેલ છે. આમની સાથે મેદાન પર અને મેદાનની બહારની એકપણ પળ બોરિંગ નથી હોતી.