છોકરા સાથે ફોન પર વાત કરતી હતી સગીર પુત્રી, પિતાએ ભર્યું આ પગલું

ઘટનાનો ખુલાસો થયા બાદ આરોપીએ જણાવ્યું કે, તેની પુત્રી છોકરા સાથે વાત કરે તે પસંદ નહોતું. જેને લઈ ઘણી વખત તેને ટોકવામાં પણ આવી હતી. તેમ છતાં છોકરા સાથે વાત કરતી રહી અને ઘટનાના દિવસે પણ ખોટું બોલીને તેને મળવા પહોંચી ગઈ હતી. જેથી છોકરાને મારી નાંખવાનું મનોમન નક્કી કરી લીધું હતું પણ તે ભાગી ગયા બાદ પુત્રીને પાઠ ભણાવવાનું નક્કી કરી લીધું અને ઘટનાને અંજામ આપ્યો હતો. (તસવીરો પ્રતીકાત્મક છે)

જે બાદ પોલીસે ત્યાં જઈને આસપાસ લાગેલા સીસીટીવી ફૂટેજ ચેક કર્યા. જેમાં પુત્રી બાઇક પર બેસીને જતી જોવા મળી હતી. પોલીસને બાઇકચાલક સુદેશ જેવો લાગતો હતો. જેના કારણે પોલીસે આકરી પૂછપરછ કરતાં તે ભાંગી પડ્યો હતો અને ગુનો કબૂલી લીધો હતો.

ઘટનાને અંજામ આપ્યા બાદ સાંજે સુદેશે પોલીસમાં પુત્રી ગુમ થયાની ફરિયાદ નોંધાવી. તેની અરજીના આધારે પોલીસે ઘર અને માર્કેટમાં લાગેલા સીસીટીવી પણ ચેક કર્યા. પરંતુ તેમાં કંઇ હાથ ન લાગ્યું. શુક્રવારે આરોપી પિતાએ પોલીસને તેની દીકરીનો મૃતદેહ ટ્રોનિકા સિટી પાસે પડેલો હોવાનું જણાવ્યું.

તેનાથી અકળાયેલા સુદેશે પુત્રીને ટ્રોનિકા સિટી લઇ જઈને ચપ્પુના ઘા ઝિંકી મોતને ઘાટ ઉતારી દીધી. એટલું જ નહીં આરોપીએ હત્યા કરી તેને નજીકના એક ખાડામાં ફેંકી દીધી.

સુદેશને જ્યારે શંકા પડી ત્યારે ત્યારે તેણે પુત્રીનો પીછો કરવાનું શરૂ કરી દીધું. જ્યાં ઘરથી થોડે દૂર તે એક છોકરા સાથે વાત કરતી જોવા મળી હતી. છોકરો સુદેશને જોઈ ત્યાંથી ભાગી નીકળ્યો.

પોલીસ સૂત્રોના જણાવ્યા મુજબ કરાવલ નગર નિવાસી સુદેશ (40) દૂધની ડેરી ચલાવે છે. ઘટનાના દિવસે 7મા ધોરણમાં ભણતી તેની પુત્રી સાંજે ઘરેથી માર્કેટમાં ગઈ હતી. જોકે મોટાભાગે વંશિકા ઘરેથી બહાર નીકળતી ત્યારે નાના ભાઇને સાથે લઇ જતી હતી પરંતુ તે દિવસે ભાઇને લીધા વગર જ જતી રહી હતી.

નવી દિલ્હીઃ રાજધાની દિલ્હીના કરાવલ નગર વિસ્તારમાં એક સનસનાટીપૂર્ણ ઘટના સામે આવી છે. અહીંયા એક પિતાએ તેની 13 વર્ષની પુત્રીનું ગળું કાપીને હત્યા કરી છે. સગીરાનો વાંક માત્ર એટલો જ હતો કે તે કોઈ છોકરા સાથે વાત કરતી હતી. પુત્રીનું કોઇ અજાણ્યા છોકરા સાથે વાત કરતી હોવાનું આરોપીને પસંદ ન હોવાનું કહેવામાં આવી રહ્યું છે.