Crime News: સંસ્કારી નગરી વડોદરામાં અસંસ્કારી કૃત્ય! 11 વર્ષની તરુણીને એકાંતમાં લઈ ગયો રિક્ષાવાળો અને પછી...

વડોદરા: શહેરમાં માતા પિતા માટે લાલબત્તિ સમાન કિસ્સો સામે આવ્યો છે. પોતાની દીકરીને એકલી મુકતા પહેલા સો વખત માતા પિતા વિચાર કરશે તેવી ઘટના સામે આવી છે.

વડોદરા: શહેરમાં માતા પિતા માટે લાલબત્તિ સમાન કિસ્સો સામે આવ્યો છે. પોતાની દીકરીને એકલી મુકતા પહેલા સો વખત માતા પિતા વિચાર કરશે તેવી ઘટના સામે આવી છે. વડોદરાના વરણામા પોલીસ મથકમાં બનેલા આ બનાવે ચકચાર મચાવી છે. આ અંગે વિગતે વાત કરીએ તો અહીં એક  રિક્ષા ચાલકે 11 વર્ષની તરૂણી સાથે શારીરિક અડપલાં કરતા ચકચાર મચી ગઈ છે. પાણી પુરી અને ચાઈનીઝ ખવડાવવાની લાલચ આપી છકડાનો ચાલક તરૂણીને નેશનલ હાઇવે નંબર 48 પર લઈ ગયો હતો,

ત્યાર બાદ નેશનલ હાઇવે 48 ઉપર નવા બની રહેલા પેટ્રોલ પંપની સામે અંધારામાં છકડો ઉભો રાખી શારીરિક અડપલાં શરૂ કર્યા હતા. જો કે આ બનાવ બાદ તરૂણીના પરિવારજનોએ બનાવ અંગે વરણામાં પોલીસ મથકે ફરિયાદ નોંધાવી છે. પોલીસે ફરિયાદના આધારે આરોપી છકડા ચાલકને ઝડપી પાડી વધુ કાર્યવાહી હાથ ધરી છે. સાતમા ધોરણમાં અભ્યાસ કરતી તરૂણીને પોલીસ પાસેથી ન્યાય મળે તેવી પરિવારજનોએ આશા વ્યક્ત કરી છે. આ ઘટનાની જાણ થતા જ સગીરાના માતા રડી પડ્યા હતા. હાલ વરણામાં પોલીસ મથકે નોંધાયેલ ગુનાની તપાસ કરજણ સી.પી.આઈ. જે.જી.દેસાઈ કરી રહ્યા છે.

વડોદરામાં સરનામું પૂછવાના બહાને આ વિદ્યાર્થી છોકરીઓને બતાવે છે પોર્ન વીડિયો

સંસ્કારી નગરી વડોદરામાંથી એક ચોંકવનારી ઘટના સામે આવી છે. વડોદરામાં એક વિકૃત માનસિકતા ધરાવતા યુવકની પોલીસે ધરપકડ કરી છે. આ અંગે સામે આવેલી વિગતો અનુસાર છોકરીઓને સરનામું પૂછવાના બહાને એક વિદ્યાર્થી પોર્ન વીડિયો બતાવતો હતો. ત્યાર બાદ છોકરીઓની ફરિયાદને આધારે પોલીસે વિકૃત માનસીકતા ધરાવતા રોમિયોની ધરપકડ કરી છે. એમ.એસ. યુનિવર્સિટીમાં અભ્યાસ કરતી વિદ્યાર્થિનીઓને વિભત્સ વીડિયો બતાવતા રોમિયોની ધરપકડ કરવામાં આવી છે. આ ઘટના વડોદરાની એમ.એસ.યુનિવર્સિટીની સોસીયલ વર્ક ફેકલ્ટીના ગેટ પાસે બની હતી. આ અંગે ફતેહગંજ પોલીસ મથકે ફરિયાદ નોંધાઇ હતી.

પોલીસને આ અંગે ફરિયાદ મળતા જ એક્શનમાં આવી હતી અને આરોપી તુષાર ખત્રીની ધરપકડ કરી છે. પોલીસ તપાસમાં આરોપી તુષાર ખત્રીએ રોઝરી સ્કૂલથી નિઝામપુરાના રોડ પર યુવતીને વીડિયો બતાવ્યો હોવાનું સ્વીકાર્યું હતું. આ ઉપરાંત સીસીટીવી ફૂટેજમાં મોપેડનો નંબર આવતા યુવકની ધરપકડ કરવામાં આવી હતી.

આ પણ વાંચો....