UP: 'મિશન ક્લિન' મૉડમાં યોગી પોલીસ, 48 કલાકમાં 16 એન્કાઉન્ટર

આ તમામ અપરાધીઓ પર એકાઉન્ટર કરવામાં આવ્યાં જેમાં કેટલાક પર તો 10થી 50 હજારનુ ઇનામ પણ રાખવામાં આવેલું છે. આ લોકો પર હત્યા, ઘાડ, અપહરણ, ખંડણી, રેપ, વસૂલી જેવા ગુનાઓ નોધાયેલા છે. પોલીસ અને અપરાધીઓ વચ્ચેની અથડામણમાં અપરાધીઓ પાસેથી કાર્બાઇન, રિવૉલ્વર, દેશી તમંચા અને કેટલાક અત્યાધુનિક હથિયારો પણ મળી આવ્યા હતા.

મિશન ક્લિન અંતર્ગત યુપી પોલીસ હવે એક્શનમાં આવી ગઇ છે. પોલીસે રાજ્યમાં અલગ અલગ જગ્યાએ એન્કાઉન્ટર કર્યા જેમાં કેટલાક સામે ફાયરિંગ કરી તો કેટલાકને ઝડપી ઝડપી પાડ્યા હતા. નોંધનીય છે કે, યુપી પોલીસ પુરેપુરી એક્શન મૂડમાં છે, જેના ટાર્ગેટમાં મોટા મોટા અપરાધીઓ છે જે એક એક કરીને પોલીસના હાથે ચઢી રહ્યાં છે

લખનઉઃ ઉત્તર પ્રદેશમાં વધી રહેલા ગુનાઓને રોકવા અને અપરાધીઓને જડબાતોડ જવાબ આપવા મુખ્યમંત્રી યોગી હવે મુડમાં આવી ગયા છે, એટલે પોલીસને કાર્યવાહી કરવા યોગી સરકારે પોલીસને આદેશ આપી દીધો છે. પોલીસે ફરી એકવાર 'મિશન ક્લિન' મૉડમાં 48 કલાકમાં 16 એન્કાઉન્ટર કરી દીધા છે, વળી તેમાં 24 રીઢા ગુનેગારોને પકડી પણ લીધા છે.