રાજકોટઃ લોકસભાની ચૂંટણીના પ્રચાર વચ્ચે માતાજીના માંડવાને લઈને રાજકારણ ગરમાયું છે. રાજકોટમાં એક બાદ એક નેતા માતાજીના માંડવામાં નેતાઓ ધૂણી રહ્યા છે. ગામડામાં લોકોને ખુશ કરવા નેતાઓ ધૂણી રહ્યા છે. આ માતાજીના માંડવામાં ભાજપના ધારાસભ્ય અરવિંદ રૈયાણી અને રાજકોટ જિલ્લાના ભાજપના સહકારી આગેવાન બાબુ નસીત ધૂણતા હોય તેવો વીડિયો વાયરલ થયો છે.
લોઠડા ગામે માતાજીના માંડવામાં બાબુ નસીત સાંકળ મારી રહ્યા હોય તેવું આ વીડિયોમાં દેખાઈ રહ્યું છે. તેમની સાથે રાજકોટ લોકસભાના ઉમેદવાર મોહન કુંડાંરીયા પણ હાજર રહ્યા હતા. માતાજીના માંડવામાં ધૂણવા વિશે મોહન કુંડરિયાએ નિવેદન આપ્યું છે કે, સૌરાષ્ટ્રમાં માંડવાની પરંપરા છે, જે વિડિયો વાયરલ થયો છે તે સાચો છે. અમે આવા માંડવાઓમાં હાજરી આપતા હોય છીએ. મેં અને અરવિંદભાઈએ માંડવામાં હાજરી આપી હતી.
