વીડિયોમાં એક ખેડૂત પાક વીમા અંગે મોહન કુંડારિયાને પ્રશ્ન પૂછે છે. આ અંગે મોહન કુંડારીયાએ જણાવ્યું હતું કે, આ અંગે ગુજરાત સરકારને રજૂઆત કરો. પાક વિમો આપવાની જવાબદારી સરકારની છે. તમારા ધારાસભ્યની આ જવાબદારી છે.
મોહન કુંડારીયાના જવાબથી અસંતુષ્ટ ખેડૂતે કહ્યું હતું કે, સાહેબ આ તમારી રીત છે જવાબ આપવાની? જેની સામે મોહન કુંડારીયા કહે છે કે, તમે ગાંડા કરવા આવ્યા છો. હું માણસનો ચહેરો જોઈને કહી દઉં. તમારા બોલવા પરથી જ મને ખબર પડી જાય. તમારી વાત કરવાની થિયરી જ ખોટી હતી આટલું જ નહીં.
વીડિયોમાં જોઈ શકાય છે કે, વ્યક્તિના પ્રશ્નોથી ઉશ્કેરાયેલા મોહન કુંડારીયા ખુરશી પરથી ઉભા થઈને જતાં રહે છે. આ અંગે ત્યાં હાજર લોકોમાં નારાજગી પણ જોવા મળી હતી.