જેડીયુ અધ્યક્ષ નીતિશ કુમારે કહ્યું કે, સરકારથી કોઇ નારાજગી નથી પરંતુ અમને સરકારમાં ફક્ત સાંકેતિક હિસ્સેદારીમાં રસ નથી. તેને કારણે અમે સરકારની બહાર રહેવાનો નિર્ણય લીધો છે. અમે અમારા નિર્ણય અંગે ભાજપ અધ્યક્ષ અને વડાપ્રધાનને જણાવ્યો છે. અમારો કોઇ પણ નેતા સાંકેતિક પદ ઇચ્છતા નથી.
પૂર્વ વિદેશ સચિવ એસ જયશંકરને પણ મંત્રી બનાવવામાં આવી રહ્યા છે. તેમને કેન્દ્રિય મંત્રીમંડળમાં સામેલ કરવામાં આવી શકે છે. તે 1977થી ભારતીય વિદેશ સેવાના અધિકારી છે. તેમને પદ્મશ્રીથી સન્માનિત કરાયા છે. શપથ અગાઉ વડાપ્રધાન મોદીના ઘર પર મંત્રી બનનારા સાંસદો સાથે બેઠક કરી હતી. સુષ્મા સ્વરાજ વડાપ્રધાનને મળવા પહોંચ્યા નહોતા.