નેતા વિપક્ષને અમરેલીથી ચૂંટણીમાં ઉતારી શાખ દાવ પર લગાવનાર કૉંગ્રેસ પરેશ ધાનાણીને ચૂંટણી જીતાડવામાં કોઈ કસર છોડવા નથી માગતી. પ્રતિષ્ઠાના જંગ સમી અમરેલી બેઠક જીતવા ખુદ રાહુલ ગાંધી આક્રમક બન્યા છે. એ જ કારણસર ગુજરાતમાં રાહુલ ગાંધીની પહેલી સભાનું આયોજન વિપક્ષ નેતા પરેશ ધાનાણીના ગઢ અમરેલીમાં કરાયું છે. ગુજરાતમાં 15 એપ્રિલથી રાહુલ ગાંધીની 5 સભા યોજાશે. અમરેલીની રેલી બાદ રાહુલ ગાંધી ઉત્તર,દક્ષિણ અને મધ્ય ગુજરાતમાં રેલી સંબોધશે.
પરેશ ધાનાણી પોતાના વિસ્તારમાં વધુમાં વધુ પ્રચાર કરી શકે તેના માટે પ્રદેશ કૉંગ્રેસે ધાનાણીને અન્ય વિસ્તારોની જવાબદારીઓમાંથી મુક્ત રાખ્યા છે. રાહુલની સાથે પ્રિયંકાને પણ ગુજરાત આવવા વિનંતી કરવામાં આવી છે.
ગુજરાત વિધાનસભાની ચૂંટણીમાં પણ રાહુલ ગાંધીએ ઝંઝાવતી પ્રચાર કર્યો હતો.
સુપ્રીમ કોર્ટે VVPATની ગણતરીને લઈને શું આપ્યા નિર્દેશ? જુઓ વીડિયો