રણવીર સિંહ પત્ની દીપિકા સાથે બર્થ-ડે ઉજવે તે પહેલાં જ ફિલ્મ ‘છપાક’ની ટીમે ઉજવી લીધો હતો. ફિલ્મ ‘છપાક’ની ટીમે શનિવાર સાંજે જ દીપિકા પાદુકોણ સાથે કેક કાપીને બર્થ-ડે સેલિબ્રેટ કર્યો હતો.
આ અંગે દીપિકા પાદુકોણે જણાવ્યું હતું કે, આ વર્ષે તે લખનઉના ‘શીરોઝ’ કેફેમાં એસિડ અટેક સર્વાઈવર્સ સાથે પોતાનો બર્થ-ડે સેલિબ્રેટ કર્યો હતો. આ કેફેની બે બ્રાંચ છે, એક લખનઉમાં અને બીજી આગ્રામાં છે. આ બંને બ્રાંચ એસિડ અટેક સર્વાઈવર્સ ચલાવે છે.
આ કેફેમાં કામ કરતી ચાર એસિડ અટેક સર્વાઈવરે ‘છપાક’માં કામ કર્યું છે. હરિયાણાની ઋતુ સૈનીએ દીપિકાની ફ્રેન્ડનો રોલ પ્લે કર્યો છે. દીપિકા એસિડ અટેક સર્વાઈવર્સને મળવા આવી હતી અને તેમની સાથે જ બર્થડે સેલિબ્રેટ કર્યો હતો.
સેલિબ્રેશન સમયે દીપિકા પાદુકોણ ઘણી જ ખુશ જોવા મળી હતી. આ પ્રસંગે મેઘના ગુલઝાર અને વિક્રાંત મૈસી પણ ખાસ હાજર રહ્યાં હતાં. દીપિકા પાદુકોણને વિક્રાંતે કેક ખવડાવી હતી.
આ પ્રસંગે તેમને એક સવાલ પૂછવામાં આવ્યો હતો જેમાં દીપિકાએ કહ્યું હતું કે, કપિલ દેવ પર બની રહેલી ફિલ્મ ‘83’માં કામ કરવું તેના અને રણવીર માટે ઘણું મજાનું છે. કારણ કે આમાં ભારેભરખમ ડાયલોગ્સ નથી.