મહારાષ્ટ્ર સરકારમાં કયા મંત્રીને કયું ખાતું મળ્યું? જુઓ આ રહ્યું સંપૂર્ણ લિસ્ટ

શિવસેનાના અનેક દિગ્ગજ નેતા વિભાગની ફાળવણીથી ખુશ નથી. એનસીપી નેતા અજિત પવારને નાણા મંત્રાલયની જવાબદારી સોંપવામાં આવી છે. આદિત્ય ઠાકરને પર્યાવરણ, પર્યટન ખાતુ સોંપવામાં આવ્યું છે.

મુંબઈઃ મહારાષ્ટ્રમાં સરકાર બન્યા અને મંત્રીમંડળના વિસ્તરણ બાદ આખરે ખાતાની ફાળવણી કરવામાં આવી હતી. રાજ્યપાલ ભગતસિંહ કોશ્યારીએ પણ તેને  મંજૂરી આપી દીધી છે. જોકે શિવસેનાની અંદર ધમાસાણ હજુ શરૂ છે. શિવસેનાના અનેક દિગ્ગજ નેતા વિભાગની ફાળવણીથી ખુશ નથી. એનસીપી નેતા અજિત પવારને નાણા મંત્રાલયની જવાબદારી સોંપવામાં આવી છે. આદિત્ય ઠાકરને પર્યાવરણ, પર્યટન ખાતુ સોંપવામાં આવ્યું છે


શિવસેનાના ડઝનથી વધારે ધારાસભ્યોનું માનવું છે કે, તેમના ફાળે ઓછા મહત્વના ખાતા આવ્યા છે. જ્યારે સારા ખાતા એનસીપી અને કોંગ્રેસને મળ્યા છે. ગૃહ, રેવન્યૂ, હાઉસિંગ, પબ્લિક વર્ક અને વોટર રિસોર્સ જેવા મહત્વના ખાતા એનસીપી અને કોંગ્રેસના ફાળે ગયા છે.


મહારાષ્ટ્રના મુખ્યમંત્રી ઉદ્ધવ ઠાકરેએ 28 નવેમ્બરે સીએમ પદના શપથ લીધા હતા. તેમની સાથે શિવસેના, એનસીપી અને કોંગ્રેસના બે-બે નેતાએ મંત્રીપદના શપથ ગ્રહણ કર્યા હતા. આશરે એક મહિના બાદ મંત્રીમંડળનું વિસ્તરણ કરવામાં આવ્યું હતું.


મંત્રી મંડળના વિસ્તરણ બાદ વિભાગોની ફાળવણી નહોતી થઈ શકી. કોંગ્રેસના ઘણા નેતા મંત્રી પદ ન મળવાથી નારાજ હતા, જેના કારણે ખાતાની ફાળવણીમાં વિલંબ થયો હતો.