પૂજા બેદીએ ગુરૂવારે બોયફ્રેન્ડ માણેક સાથે એક તસવીર શેર કરી હતી. પૂજાએ પોતાની કોલમમાં લખ્યુ છે- મેં એંગેજમેન્ટ કરી લીધા છે. મારા પ્રેમે મને હજારો ફૂટ ઉપર હોટ એર બલૂનમાં પ્રપોઝ કર્યું હતું. જ્યારે તેણે મારી આંગળીમાં રીંગ પહેરાવી ત્યારે મારી આંખો ભરાઈ આવી હતી.
પૂજા બેદી માણેક કોન્ટ્રાક્ટર સાથે બીજા લગ્ન કરશે. પૂજાના પ્રથમ લગ્ન 1990માં થયા હતા. પહેલા લગ્નથી પૂજાને બે બાળકો પણ છે. પૂજાએ ઘણી ફિલ્મો અને ટીવી શોમાં કામ કર્યું છે.
પૂજા બેદીએ 1990માં ઈબ્રાહિમ ફર્નિચરવાલા સાથે લગ્ન કર્યા હતા પરંતુ તેમના સંબંધોનો અંત આવ્યો અને તેમણે 2003માં ડિવોર્સ લીધા હતા.
દિગ્ગજ એક્ટર કબીર બેદીની દિકરી પૂજા બેદીને આમિર ખાનની 'જો જીતા વહી સિકંદર' ફિલ્મથી ઓળખવામાં આવે છે.