ફરી માતા બની શિલ્પા શેટ્ટી કુંદ્રા, તસવીર શેર કરી આપી દિકરીના જન્મની જાણકારી

શિલ્પા શેટ્ટી ફરી એક વખત માતા બની છે. શિલ્પા શેટ્ટીએ ઈન્સ્ટાગ્રામ પર દિકરીના જન્મની જાણકારી શેર કરી છે.

મુંબઈ: આજે શિવરાત્રીના શુભ દિવસે શિલ્પા શેટ્ટી કુંદ્રાએ પોતાના ફેન્સ સાથે ખાસ ન્યૂઝ શેર કર્યા છે. શિલ્પા શેટ્ટી ફરી એક વખત માતા બની છે. શિલ્પા શેટ્ટીએ ઈન્સ્ટાગ્રામ પર દિકરીના જન્મની જાણકારી શેર કરી છે. તેણે જણાવ્યું કે તેમના ઘરે લક્ષ્મીનો જન્મ થયો છે અને તેના માટે તે ભગવાનનો આભાર વ્યક્ત કરે છે. સરોગસીની મદદથી શિલ્પા શેટ્ટીના ઘરે દીકરીનો જન્મ થયો છે.


દીકરીની તસવીર શૅર કરીને શિલ્પા શેટ્ટીએ કહ્યું હતું, ઓમ ગણેશાય નમઃ અમારી પ્રાર્થનાઓનો જવાબ મળી ગયો. અમને એ જણાવતા આનંદ થાય છે કે લિટિલ એન્જલે અમારા ઘરે પગલાં પાડ્યાં છે. સમીશા શેટ્ટી કુંદ્રા.

શિલ્પા શેટ્ટીએ બિઝનેસમેન રાજ કુંદ્રા સાથે 2009માં લગ્ન કર્યા છે. બંનેને એક પુત્ર છે અને હવે તેમના ઘરે એક નાની દિકરી આવી ગઈ છે. શિલ્પા અને રાજ કુંદ્રા સેરોગેસીના માધ્યમથી ફરી એક વખત માતા-પિતા બન્યા છે. લગ્નના 11 વર્ષ બાદ શિલ્પા બીજીવાર માતા બની છે.