ઝરીને ફોટો પર અભદ્ર કમેન્ટ્સ કરનાર યુઝર્સના સ્ક્રીન શોટ લઈને પોતાની ઈન્સ્ટા સ્ટોરીમાં શેર કર્યાં હતાં. જેમાં લોકોએ તેના પેટની મજાક ઉડાવી હતી. ઘણાં યુઝર્સે, સ્ટ્રેચ માર્ક્સ વિશે લખ્યું હતું તો કેટલાંક એમ કહ્યું હતું કે, પેટ જોઈને વોમિટ થઈ જશે. જોકે કેટલાંક યુઝર્સે એમ પણ કહ્યું હતું કે, વજન ઓછું કર્યાં બાદ બોડી સાથે આવું થાય છે.
સ્ક્રીન શોટ્સ શેર કર્યાં બાદ ઝરીને એક નોટ પણ લખી હતી. જેમાં તેણે કહ્યું હતું કે, જે લોકોને એ જાણવાની ઉત્સુકતા છે કે, તેના પેટને શું થયું છે, તો આ એ લોકો માટે છે.
આ એક એવી વ્યક્તિનું સ્વાભાવિક પેટ છે જેણે 50 કિલો જેટલું વજન ઓછું કર્યું છે. આ આવું જ દેખાય છે આને ફોટોશોપ કરવામાં આવ્યું નથી અને ઓપરેશન પણ કરાવવામાં આવ્યું નથી. તે સત્યમાં વિશ્વાસ રાખે છે. તેણે પેટ ઢાંકવાને બદલે ગર્વ સાથે ખામીઓને સ્વીકારી છે.