રેખાએ સાડી બાદ દીપિકાને મોકલાવી આ ગિફ્ટ, જાણો શું છે

દીપિકાના કરિયરની અત્યાર સુધી આવેલી તમામ ફિલ્મો પૈકી તેને પદ્માવતમાં નિભાવેલા રોલ માટે સૌથી વધારે પ્રશંસા મળી રહી છે. ઉપરાંત આ ફિલ્મ બોક્સ ઓફિસ પર પણ સારી કમાણી કરી રહી છે.

મુંબઈઃ 25 જાન્યુઆરીએ રિલીઝ થયેલી સંજય લીલા ભણશાલીની ફિલ્મ પદ્માવતની દર્શકો પ્રશંસા કરતા થાકી રહ્યા નથી. બોલિવુડ સ્ટાર્સ પણ આ ફિલ્મમાં દીપિકા પાદૂકોણ અને રણવીર સિંહના રોલની ખૂબ જ પ્રશંસા કરી રહ્યા છે. આ કડીમાં હવે બોલિવૂડ એક્ટ્રેસ રેખાનું નામ ઉમેરાયું છે.

બોલિવૂડના મહાનાયક અમિતાભ બચ્ચને પણ દીપિકાને ફિલ્મ જોયા બાદ મેસેજ મોકલ્યો હતો. જેને દીપિકાએ સોશિયલ મીડિયા પર ફેન્સ સાથે શેર કર્યો હતો.

રેખાએ દીપિકાને કોઇ ગિફ્ટ આપી હોય તેવું પ્રથમ વખત નથી. આ પહેલા રેખાએ બાજીરાવ મસ્તાનીની રિલીઝ બાદ દીપિકાને સિલ્કની એક સુંદર સાડી ગિફ્ટ કરી હતી. જેને દીપિકાએ તેના મિત્રના મેરેજમાં પહેરી હતી અને ઘણી વાહવાહ મેળવી હતી.

રેખાએ પદ્માવત ફિલ્મમાં દીપિકાના કામની પ્રશંસા કરીને તેને એક મેસેજ મોકલ્યો છે. સોશિયલ મીડિયા પર તેની પોસ્ટ કરી દીપિકાએ કેપ્શનમાં લખ્યું છે, અંદાજ લગાવો શું છે ?

એક્ટિંગની સાથે સાથે રેખાને દીપિકાની ફેશન સેન્સ પણ ઘણી પસંદ છે. પદ્માવત જોયા બાદ નીતુ કપૂર અને ઋષિ કપૂરે ફૂલન ગુલદસ્તા સાથે પ્રશંસા ભરેલો સંદેશ પણ મોકલ્યો હતો.