અક્ષય કુમારનો આ ડાઈહાર્ડ ફેન ગુજરાતના દ્વારકા જીલ્લાના કલ્યાણપુરનો છે અને તેનું નામ પરબત છે. જે અક્ષયનો મોટો ફેન્સ છે. પરબત અક્ષયને મળવા માટે દ્વારકાથી મુબંઈ સુધી 900 કિલોમીટર ચાલતો ગયો હતો અને અક્ષયને મળવાનું પોતાનું સ્વપ્નુ પૂરું કર્યું હતું.
આ ફેન્સ સાથેનો વીડિયો શેર કરીને અક્ષયે ઇન્સ્ટાગ્રામ પર લખ્યું કે, “આજે દ્વારકાથી પરબત મને મળ્યો, રવિવારે મને મળવાનો પ્લાન બનાવીને 18 દિવસમાં 900 કિલોમીટર ચાલીને અહીં આવ્યો. જો આપણા યુવાનો તેમના લક્ષ્યને પ્રાપ્ત કરવા માટે આ પ્રકારના પ્લાન બનાવી અને તેને મેળવવાનો નિશ્ચય કરે તો, તેમને કોઈ જ નહીં રોકી શકે !”
વીડિયોમાં અક્ષય કુમાર સાથે ચાહક વાત કરી રહ્યો છે. તે કહી રહ્યો છે કે રવિવાર મુંબઈ પહોંચી જાઉં તે રીતે રાતે પણ ચાલતો હતો. જ્યારે અક્ષયે પૂછ્યું કે શું તે જાણે છે કે રવિવારે અક્ષય તેમના ઘરે મળશે, ત્યારે ચાહકે કહ્યું, “મને ખબર છે સર, હું તમારો ચાહક છું ( હું બધું જ જાણું છું. હું તમારો ચાહક છું).”