આલિયા ભટ્ટનો ભાઇ કહેવાય છે ‘સીરિયલ કિસર’, જાણો અમિતાભે કેમ કરી હતી પ્રશંસા

મુંબઈઃ ઇમરાન હાશમી ફિલ્મોમાં તેના કિસ સીનના કારણે સીરિયલ કિસર કહેવાય છે. તેણે તેની આ ઇમેજ પર ઘણી વખત સ્પષ્ટતા કરી છે. ઈમરાનનો જન્મ 24 માર્ચ, 1979માં ઉત્તર પ્રદેશના કન્નૌજમાં થયો હતો. તેના પિતા અનવર હાશમી એક્ટર રહી ચૂક્યા છે. ઇમરાનની માતા માહિરા હાશમી ડાયરેક્ટર મહેશ અને મુકેશ ભટ્ટની બહેન હતી. તેથી આ બંને તેના મામા અને પૂજા, આલિયા, મોહિત સૂરી તેના ભાઈ-બહેન છે.

ઈમરાને થોડા સમય પહેલા એક પુસ્તક લખ્યું હતું. જેનું નામ છે કિસ ઓફ લાઇફ. આ પુસ્તક તેણે પુત્રના કેન્સરની લડાઇ પર આધારિત છે. જે માટે તેની અમિતાભ બચ્ચન અને શાહરૂખ ખાન જેવા દિગ્ગજોએ પણ પ્રશંસા કરી હતી.

ભારતના પૂર્વ કેપ્ટન અઝહરુદ્દીનની બાયોપિક પર કામ કર્યા બાદ ઈમરાશ હાશમીનું કહેવું છે કે, જો ક્યારેય યુવરાજ પર બાયોપિક બને તો તેમાં પણ કામ કરવાની ઈચ્છા છે.

ઈમરાને ડિસેમ્બર 2006માં પરવીન શહાની સાથે ઇસ્લામિક રીત રિવાજોથી લગ્ન કર્યા હતા. તેમનો એક દીકરો છે. જેનું નામ આર્યન છે. આર્યનને થોડા મહિનાઓ પહેલા કેન્સરનું નિદાન થયું હતું. હાલ તેની તબિયત સારી છે.

મર્ડર ફિલ્મમાં ઈમરાશ હાશમી અને મલ્લિકા શેરાવતે ભરપૂર કિસીંગ સીન આપીને તે સમયે ચર્ચા જગાવી હતી.

ઇમરાનને બોલીવુડમાં કરિયરની શરૂઆત 2003માં વિક્રમ ભટ્ટની ફિલ્મ ફુટપાથથી કરી હતી. મર્ડર ફિલ્મમાં મલ્લિકા શેરાવત સાથે કિસીંગ સીનના કારણે તે જાણીતો થયો હતો. જે બાદ 2008માં આવેલી ફિલ્મ જન્નત સુપર હિટ થઈ હતી.

ઇમરાન હાશમીએ એક ઇન્ટરવ્યૂ દરમિયાન જણાવ્યું હતું કે, તે ફિલ્મોમાં એક્ટ્રેસને કિસ કરતી વખતે માત્ર તેના લિપ્સ પર ફોક્સ કરે છે. તે ટેકનોલોજીકલ બાબત ભૂલી જાય છે. ઇમરાનના કહેવા મુજબ પહેલા તેના કિસ સીનની ઘણી ટિકા થતી હતી પરંતુ બાદમાં સ્વીકાર થવા લાગ્યો.