‘પદ્માવત’ ફિલ્મનું સમર્થન કરનારા બોલીવુડના ક્યા સુપરસ્ટારે ઉભી પૂંછડીએ પાછલા બારણેથી ભાગવું પડ્યું ?

સંજય લીલા ભણસાલીની બહુવિવાદિત ફિલ્મ પદ્મવતને સમર્થન આપતા અનિલ કપૂરે જણાવ્યું હતું કે, પદ્માવત ફિલ્મ રિલીઝ થવી જોઈએ તેવી ભગવાન પાસે પ્રાર્થના કરું છું. આવા નિવેદન સામે કરણી સેનાએ વિરોધ નોઁધાવ્યો હતો.

ક્ષત્રિય સમાજના યુવાનોનો આક્રોશ જોઈને અનિલ કપૂરે હોટલના પાછલા બારણેથી ભાગવું પડ્યું હતું. પોલીસ અનિલ કપૂરને હોટલના પાછળના બારણેથી ચુસ્ત જાપ્તા સાથે એરપોર્ટ લઈ ગઈ હતી અને તેમને તાબડતોબ વિમાનમાં બેસાડીને મુંબઈ રવાના કરી દેવાયા હતા.

અનિલ કપૂરને જોવા માટે ચાહકોની ભીડ જામી હતી. અહી તેમણે પોતાની એક ફિલ્મના સોન્ગ પર ડાન્સ પણ કરીને રાજકોટવાસીઓને ખુશ કર્યા હતા. જો કે અનિલ કપૂરે વિવાદિત ફિલ્મ પદ્માવતને સમર્થન આપતા રાજકોટનું વાતાવરણ ગરમાયું હતું.

‘પદ્માવત’ ફિલ્મનું સમર્થન કરવું બોલીવુડના સુપરસ્ટાર અનિલ કપૂરને ભારે પડ્યું છે ને તેમણે ગુજરાતમાંથી ઉભી પૂંછડીએ ભાગવું પડ્યું હતું. ગઈકાલે રાજકોટના એક જ્વેલરી શો રૂમના ઓપનિગમાં આવેલા બોલિવુડના એક્ટર અનિલ કપૂરે હાજરી આપી હતી. આ ફેમસ સ્ટારને જોવા માટે રાજકોટના લોકોના ટોળા જામ્યા હતા.

અનિલ કપૂરે ફિલ્મ પદ્માવતને સમર્થન આપતુ નિવેદન આપતા હોબાળો થયો હતો. ક્ષત્રિય સમાજના યુવાનો, કરણી સેનાએ ઉગ્રતા દર્શાવી શોરૂમ ખાતે ધસી આવ્યા હતા. અને હોટલ બહાર દેખાવો માટે મોરચો માંડ્યો હતો. તેના કારણે પોલીસ જોડતી થઈ ગઈ હતી.

અમદાવાદઃ સંજય લીલા ભણસાલીની ફિલ્મ ‘પદ્માવત’ 25 જાન્યુઆરીએ રિલિઝ થાય એ પહેલાં જ તેની સામેના વિરોધની આગ સમગ્ર ગુજરાતમાં પ્રસરી છે. રાજપૂત સંગઠનોએ ‘પદ્માવત’ ફિલ્મ બતાવનારા થીયેટરને આગ લગાવી દેવાની જાહેરાત કરી છે તો ‘પદ્માવત’ ફિલ્મનું સમર્થન કરનારા લોકોને પણ નિશાન બનાવાઈ રહ્યા છે.