કે.એલ.રાહુલે પોતાના ઈન્સ્ટાગ્રામ અકાઉન્ટ પર તસવીર શેર કરી હતી, જેમાં તે આથિયા શેટ્ટી સાથે જોવા મળી રહ્યો છે. મીડિયા રિપોર્ટ્સ પ્રમાણે બંને એકબીજાને ડેટ કરી રહ્યા હોવાની ચર્ચા છે. રાહુલ આથિયા શેટ્ટીને ડેટ કરી રહ્યો હોવાની ચર્ચાઓ બોલીવૂડમાં ચાલી રહી છે.
આ અંગે આથિયાએ એક ઈન્ટરવ્યૂમાં કહ્યું, મને લિંકઅપની ખબરોને કારણે કોઈ ફરક પડતો નથી. તમે મને આ મુદ્દે કોઈ પણ સવાલ કરશો તો હું તમને કોઈ જવાબ આપીશ નહિ. પણ મને એ વાતની ખબર છે કે, આ બધુ પૂછવું એ તમારું કામ છે. મારા મતે આ મારી અંગત મેટર છે. તે પછી મિત્રતા હોય, સંબંધ હોય કે પછી પરિવાર. આ બધાને હું હંમેશા બચાવીને રાખવાની કોશિશ કરીશ. માટે હું ક્યારેય પણ આ વિશે વાત કરતી નથી. આથિયાએ રાહુલ સાથેના સંબંધને લઈ કોઈ યોગ્ય જવાબ આપ્યો ન હતો.
આથિયા નવાઝુદ્દીન સાથે ફિલ્મ મોતીચૂર ચકનાચૂર માં જોવા મળશે. આથિયા આ ફિલ્મ દ્વારા 2 વર્ષ પછી મોટા પરદે જોવા મળશે.