મુંબઈ: સમગ્ર વિશ્વ હાલ કોરોના વાયરસના સંકટનો સામનો કરી રહ્યું છે. દરેક લોકો માનસિક રીતે તેનાથી ખૂબ જ પ્રભાવિત થયા છે. એવામાં સરકારથી લઈને બોલીવૂડ સ્ટાર્સ પણ લોકોને આ સંકટના સમયમાં હિમ્મત આપી રહ્યા છે. બોલીવૂડ અભિનેતા આયુષ્માન ખુરાનાએ હાલની પરિસ્થિતિ પર એક કવિતા લખી છે.


આયુષ્માન ખુરાના એક શાનદાર એક્ટરની સાથે-સાથે સિંગર પણ છે. આયુષ્માન ખુરાનાએ ઈન્સ્ટાગ્રામ પર પોતાની કવિતા શેર કરી છે. સાથે જ તેણે આ કવિતા સાથે પોતાની પોસ્ટ પણ લખી છે. જેથી ફેન્સ વાંચી પણ શકે.



તેની આ કવિતાનું નામ છે- હમકો તો સિર્ફ ઘર પર રહના હૈ. આયુષ્માનની આ કવિતા હાલ સોશિયલ મીડિયા પર ટ્રેન્ડ કરી રહી છે. ચાહકોની સાથે સાથે આ કવિતાને બોલીવૂડ અભિનેતા ઋિતિક રોશન અને કૃતિ સેનન જેવા કલાકારઓ પણ પસંદ કરી છે. આ પહેલા પણ આયુષ્માન કવિતા લખી ચૂક્યો છે. આયુષ્માન અમિતાભ બચ્ચન સાથે ફિલ્મ ગુલાબો સિતાબોમાં જોવા મળશે, ફિલ્મનું ડાયરેક્શન શૂજિત સરકારે કર્યું છે.