પોલીસે જણાવ્યું કે પીડિતા ભારતીએ (34) મધુ સાથે વર્ષ 2015માં લગ્ન કર્યા હતા અને છેલ્લા બે વર્ષથી મધુ દહેજ માટે કથિત રીતે તેનું શોષણ કરી રહ્યો હતો.
‘અમારી તપાસમાં સામે આવ્યું છે કે મધુને તેની કો-એક્ટ્રેસ સાથે આડા સંબંધો પણ હતા, જેના વિશે તેની પત્નીને જાણ થઈ ગઈ હતી. જે બાદ તે તેની પત્નીને દહેજ માટે પરેશાન કરવા લાગ્યો’ તેમ રાયદુરગામના ઈન્સ્પેક્ટર એસ. રવિન્દ્રએ જણાવ્યું.
મધુ પ્રકાશ ઘરે નહોતો ત્યારે મનિકોંડા વિસ્તારમાં આવેલી પંચવટી કોલોની સ્થિત તેના ઘરમાં ભારતીએ પંખા સાથે પોતાની જાતને લટકાવીને જીવનને અંત લાવી દીધો હતો. પોલીસના જણાવ્યાનુસાર, ‘મધુ શૂટિંગ કર્યા બાદ સાંજે સાડા સાત કલાકે જ્યારે ઘરે પાછો ફર્યો ત્યારે તેણે ભારતીની લટકતી હાલતમાં લાશ જોઈ હતી. ઘરમાંથી સુસાઈડ નોટ મળી આવી નથી’