Saif Ali Khan Hotel Brawl Case: સૈફ અલી ખાન પર 2012માં એનઆરઆઈ બિઝનેસમેન પર કથિત રીતે મારપીટ કરવાનો આરોપ હતો. જ્યારે આ લડાઈ થઈ ત્યારે સૈફ અલી ખાન તેની પત્ની કરીના કપૂર, કરિશ્મા કપૂર, મલાઈકા અરોરા અને અમૃતા અરોરા સહિત સૈફના કેટલાક મિત્રો સાથે હોટલમાં હાજર હતા.

 મલાઈકા અરોરા વિરુદ્ધ ફરી જામીનપાત્ર વોરંટ જાહેર

આ કેસમાં અભિનેત્રી અને સૈફની પત્ની કરીના કપૂરની મિત્ર અમૃતા અરોરા તેના વતી સાક્ષી બની હતી. અમૃતા અરોરાની બહેન મલાઈકા અરોરા આ કેસમાં સાક્ષી તરીકે હાજર થવાની હતી પરંતુ તે કોર્ટમાં હાજર થઈ ન હતી. હવે મલાઈકા અરોરા વિરુદ્ધ ફરી જામીનપાત્ર વોરંટ જારી કરવામાં આવ્યું છે. આ કેસની વધુ સુનાવણી 29 એપ્રિલે હાથ ધરવામાં આવશે.

 કોર્ટે સૌપ્રથમ 15 ફેબ્રુઆરીએ મલાઈકા અરોરા સામે જામીનપાત્ર વોરંટ ઈશ્યુ કર્યું હતું. પરંતુ તે કોર્ટમાં હાજર થઈ ન હતી ત્યારબાદ સોમવારે ફરીથી વોરંટ ઈશ્યુ કરવામાં આવ્યું હતું.

 22 ફેબ્રુઆરી, 2012ના રોજ સૈફ અલી ખાન સાથે તે ફાઈવ સ્ટાર હોટલમાં ડિનર કરવા ગયેલા લોકોમાં મલાઈકા અરોરા પણ હતી. જ્યાં કથિત ઘટના બની હતી. ચીફ જ્યુડિશિયલ મેજિસ્ટ્રેટ (એસ્પ્લેનેડ કોર્ટ) કે.એસ. ઝંવર કેસમાં સાક્ષીઓના નિવેદનો નોંધવામાં આવી રહ્યા છે.

 અમૃતા અરોરાએ આ નિવેદન આપ્યું હતું

ઈન્ડિયા ટુડેના અહેવાલ મુજબ અમૃતા અરોરાએ આ મામલામાં નિવેદન આપ્યું હતું કે જ્યારે આ ઘટના બની ત્યારે તેઓ હોટલમાં સારો સમય વિતાવી રહ્યા હતા. પછી તે વેપારી ત્યાં આવ્યો અને બૂમો પાડવા લાગ્યો. ત્યારબાદ સૈફે તેની માફી પણ માંગી હતી. તે વ્યક્તિ ત્યાંથી જતો રહ્યો હતો. પરંતુ થોડા સમય પછી જ્યારે સૈફ વોશરૂમમાં ગયો તો તે વ્યક્તિ ત્યાં આવ્યો. તેણે સૈફ સાથે લડાઈ શરૂ કરી. અમે બહારથી અવાજો સાંભળી શકતા હતા. બાદમાં તે સૈફના રૂમમાં ગયો અને તેના પર હુમલો કર્યો. બધાએ કોઈક રીતે મામલો શાંત પાડ્યો.

આ લોકો હોટલમાં હાજર હતા

તમને જણાવી દઈએ કે બિઝનેસમેન ઈકબાલ મીર શર્માએ ફરિયાદ નોંધાવી હતી. પોલીસના જણાવ્યા અનુસાર સૈફે ત્યારપછી ઈકબાલ મીર શર્માને ધમકાવ્યો અને તેના નાક પર મુક્કો મારીને તેનું નાક તોડી નાખ્યું. ઈકબાલે એવો પણ આરોપ લગાવ્યો હતો કે સૈફ અને તેના મિત્રોએ તેના સસરા રમણ પટેલને પણ માર માર્યો હતો.

આ પછી સૈફ અલી ખાન અને અન્ય બે આરોપીઓની ધરપકડ કરવામાં આવી હતી. બાદમાં ત્રણેયને જામીન પર મુક્ત કરવામાં આવ્યા હતા. આ મામલામાં સૈફનો જવાબ હતો કે તેની સાથે રહેલી મહિલાઓ સાથે ખરાબ વર્તન કરવામાં આવ્યું હતું. જે બાદ સમગ્ર મામલો આગળ વધ્યો હતો.