શેર કરવામાં આવેલા અનસીન વીડિયોમાં સિદ્ધાર્થ ડેને ઉપ્સ મોમેન્ટનો સામનો કરવો પડ્યો હતો. સિદ્ધાર્થ ડે બાથરૂમમાં નહાતો હતો પરંતુ દરવાજો બંધ કરવાનો ભૂલી ગયો. આ દરમિયાન કોયના મિત્રા ભૂલથી તે બાથરૂમમાં ઘૂસી જાય છે.
જેવી કોઈના મિત્રા અંદર જાય છે કે જોરથી બૂમ પાડી ઉઠે છે અને બહાર દોડી આવે છે. વોશરૂમ એરિયામાં પારસ છાબડા અને માહિરા શર્મા પણ હાજર હતા. આ જોઈ બંને હસવાનું રોકી શકતા નથી. બહાર આવીને કોયના પારસને કહે છે કે, આ બાથરૂમનો દરવાજો ખુલ્લો કેમ હતો ? ત્યારે પારસે કહ્યું આ ભાઈ બેશરમ છે.
પારસ આ ઘટના ઘરવાળાને બતાવે છે. ડાઈનિંગ ટેબલ પર અસીમ રિયાઝ બાકી સભ્યો સાથે વાત શેર કરે છે. જે બાદ ત્યાં હાજર તમામ લોકો હસવાનું રોકી શકતા નથી. તમામ લોકો સિદ્ધાર્થની મજાક ઉડાવે છે. આ જોઈ સિદ્ધાર્થ કંઈ બોલ્યા વગર ચૂપચાપ રૂમની અંદર જતો રહે છે.