નવી દિલ્હીઃ બિગ બોસમાં જોવા મળેલ રાહુલ મહાજને વારિસ પઠાણના નિવેદનની ટીકા કરી છે. સાથે જ તેણે વારિસ પઠાણના પડકારને સ્વીકારી લીધો છે.
તેણે સોશિયલ મીડિયા પર લખ્યું છે, ‘આ કોણ છે વારિસ પઠાણ? જે ગલી, જે નુક્કડમાં કહો હું આવીશ, એકલો આવીશ, અને જણાવીશ કે સિંહ કોણ છે અને શિયાળ કોણ છે. જ્યાં સુધી આ બે કોડીના નેતા કોઈ સમાજનું નેતૃત્વ કરશે, સમાજ પ્રગતિશીલ નહીં બની શકે.’
આપને જણાવીએ કે, રાહુલ મહાજન એક પાયલોટ રહી ચૂક્યા છે. પરંતુ ટીવી સિરિયલ ‘બિગ બોસ’માં આવ્યા બાદ તે ઘણી અન્ય સિરિયલ્સમાં જોવા મળ્યો હતો. ઉપરાંત, પોતાના જીવનશૈલીને લઈને પણ રાહુલ ચર્ચામાં રહ્યા છે.
નોંધનીય છે કે, હાલમાં જ કર્ણાટકમાં થયેલ એક કાર્યક્રમમાં AIMIMના નેતા વારિસ પઠાણે એક રેલીમાં ભડકાઉ ભાષણ આપ્યું હતું. તેમાં 15 કરોડ મુસલમાનો 100 કરોડ હિંદુઓ પર ભારી પડવાની વાત કહી હતી. ત્યાર બાદ સોશિયલ મીડિયા પર આ વીડિયો ખૂબ વાયરલ થઈ રહ્યો છે. બોલિવૂડના અનેક કલાકારોએ વારિસ પઠાણના આ નિવેદનની ખૂબ ટીકા કરી અને મજાક ઉડાવી છે.