સલમાનને સજા થશે તો ફસાઈ જશે કરોડો રૂપિયા, આ ફિલ્મો પર થશે અસર
બિગ બોસ 12: સલમાન ખાનનું નામ બિગ બોસની આગામી સીઝનના હોસ્ટ તરીકે નક્કી છે. ઓક્ટોબરથી શરૂ થનારાં બિગબોસ 12 માટે સલમાન ખાનના બદલે અન્ય હોસ્ટ શોધવો પડશે. સમલાન આ શો માટે આશરે 11 કરોડ રૂપિયા ફી વસૂલે છે.
દબંગ 3: સુપરહિટ સીરિઝ દબંગ 3માં પણ સલમાન હશે. આ ફિલ્મનું શૂટિંગ વર્ષના અંત સુધીમાં શરૂ થઈ શકે છે. સલમાનને સજા થશે તો પ્રોજેક્ટ પર ઠંડુ પાણી ફરી વળશે.
ભારતઃ સલમાન ખાન ભારત નામની ફિલ્મમાં કામ કરી રહ્યો છે. જે કોરિયન ફિલ્મ ઓડ ટુ માય ફાધરની હિન્દી રિમેક છે. સલમાનને સજા થશે તો ફિલ્મ ખોરંભે ચડશે. આ ફિલ્મનું નિર્માણ અલી અબ્બાસ ઝપર કરી રહ્યા છે. ફિલ્મનું શૂટિંગ જૂન મહિનાથી શરૂ થવાનું છે.
રેસ 3: સલમાન ખાન હાલ રેસ 3નું શૂટિંગ કરી રહ્યો છે. રેમો ડિસૂઝાના નિર્દેશનમાં બની રહેલી આ ફિલ્મનું શૂટિંગ અધૂરું છે. ફિલ્મનું બજેટ 100 કરોડ છે. જેમાં સલમાન મુખ્ય અભિનેતા છે. જો સલમાનને સજા થશે તો પ્રોજેક્ટ અટકી થશે ઉપરાંત પ્રોડ્યૂસર્સ દ્વારા ફિલ્મમાં લગાવવામાં આવેલી રકમ ફસાઇ શકે છે.
મુંબઈઃ કાળિયાર શિકાર કેસમાં સલમાન ખાન મુખ્ય આરોપી છે. ગુરુવારે જોધપુરની કોર્ટ આ મામલે ફેંસલો સંભળાવશે. 19 વર્ષથી ચાલી રહેલા કેસમાં જો કોર્ટ સલમાનને દોષિ જાહેર કરી સજા ફટકારશે તો બોલીવુડના કરોડો રૂપિયા ફસાઇ શકે છે. સલમાન હાલ અનેક પ્રોજેક્ટ સાથે સંકળાયેલો છે અથવા સંકળાવાની કોશિશ કરી રહ્યો છે.