હાર્દિક પંડ્યાનું નામ સાંભળતા જ ભડકી આ એક્ટ્રેસ, એક સમયે હતી બંનેના અફેરની ચર્ચા, જાણો વિગત

મુંબઈઃ કરણ જોહરના પોપ્યુલર ચેટ શો કોફી વિથ કરણમાં આવીને ક્રિકેટર હાર્દિક પંડ્યા ખરાબ રીતે ફસાઈ ગયો છે. આ શોમાં મહિલાઓ ઉપર કરવામાં આવેલી ટિપ્પણીથી બીસીસીઆઈ પણ નારાજ છે અને તપાસ ચાલે ત્યાં સુધી સસ્પેન્ડ કરી દેવામાં આવ્યો છે. જાહેરાત કંપનીઓએ પણ હાર્દિકનો સાથ છોડી દીધો છે. આટલું જ નહીં બોલિવુડમાં જે લોકો સાથે તેના નામ જોડાતા હતા તેઓ પણ હવે હાર્દિક પંડ્યાને ઓળખવાની ના પાડી રહ્યા છે.

અફેરના ન્યૂઝ પર ઇશાએ એક ઇન્ટરવ્યૂમાં કહ્યું હતું કે આ વાતમાં એટલી હકિકત છે જેટલી તમે વાંચી છે. લોકો તો કહે છે તેમનું કામ છે કહેવાનું. આ વિશે ના તો હું હા કહી રહી છું કે ના ના કરી રહી છું.

બોલિવુડમાં હાર્દિક પંડ્યા અને ઇશા ગુપ્તાના અફેરની ચર્ચા ઘણી રહી હતી. રિપોર્ટ્સ પ્રમાણે ઇશા અને હાર્દિકની મુલાકાત એક પાર્ટીમાં થઈ હતી અને જલ્દી બંને એકબીજાની નજીક આવ્યા હતા.

એક ઇવેન્ટમાં બોલિવુડ અભિનેત્રી ઇશા ગુપ્તાને હાર્દિક પંડ્યા વિશે સવાલ પુછ્યો તો તે ભડકી હતી. ઇશાએ કહ્યું હતું કે તમને કેવી રીતે ખબર કે તે મારો ફ્રેન્ડ છે. જેના પાસેથી ખબર મળી છે કે તે મારા ફ્રેન્ડ છે તેની સાથે જ તમે વાત કરો. બાદમાં ઇશાએ કહ્યું હતું કે મહિલાઓ સામે આવા પ્રકારના નિવેદન અપાય નહીં. મહિલાઓ અને પુરષોની સરખામણી થઈ શકે નહીં.