આ વીડિયોમાં સ્પષ્ટ જોવા મળી રહ્યું છે કે, અભિનેત્રી સારા અલી ખાન એક ફ્લાઈટમાં મિત્રો સાથે બેસી છે. વીડિયોમાં સારા અલી ખાને ક્યૂટ એક્સપ્રેશન્સ આપ્યા હતાં. જ્યારે વીડિયોના બેકગ્રાઉન્ડમાં જૂની બોલિવૂડ ફિલ્મનું ગીત સાંભળવા પણ મળી રહ્યું છે. હાલ આ વીડિયો સોશિયલ મીડિયામાં ધૂમ મચાવી રહ્યો છે.
વીડિયોને સોશિયલ મીડિયા પર શેર કરતા સારા અલી ખાને લખ્યું હતું કે, જે છે તેના કરતાં વધુ હળવું બનાવો. તેણે આ વીડિયોની ક્રેડિટ જિમના ઈન્સ્ટ્રક્ટરને આપી હતી.
નોંધનીય છે કે, ફિલ્મોમાં આવતાં પહેલા સારાનું વજન 96 કિલોગ્રામ હતું. સારાએ વજન ઉતારવા માટે ખૂબ જ મહેનત કરી હતી અને 30 કિલોગ્રામ વજન ઉતાર્યું હતું. સારા અલી ખાન ‘કેદારનાથ’ અને ‘સિમ્બા’ ફિલ્મમાં જોવા મળી હતી.