જિગ્નેશ મેવાણીને જીતની શુભેચ્છા પાઠવતા બોલિવુડની આ અભિનેત્રી થઈ ટ્રોલ

નવી દિલ્લી: ગુજરાત વિધાનસભા ચૂંટણીના પરિણામ બાદ અપક્ષ ઉમેદવાર દલિત નેતા જિગ્નેશ મેવાણીની જીત પર શુભેચ્છા પાઠવવી બોલીવુડ અભિનેત્રી સ્વરા ભાસ્કરને ભારે પડ્યું છે. સ્વરાએ જિગ્નેશ મેવાણીને ટ્વિટર પર જીતની શુભેચ્છા પાઠવી હતી તેને લઈને તે ટ્વિટર પર ટ્રોલ થઈ રહી છે. સ્વરાના ટ્વિટના જવાબ આપતા અનેક યૂઝર્સે ખરાબ કોમેન્ટો કરી છે.

જણાવી દઈએ જિગ્નેશ મેવાણી વડગામ બેઠક પરથી ચૂંટણી લડ્યા હતા અને તેણે ભાજપના ઉમેદવાર વિજયભાઈ ચક્રવર્તીને હરાવ્યા છે. જો કે જિગ્નેશ અપક્ષ ચૂંટણી લડ્યા હતા પરંતુ તેને કૉંગ્રેસનું સમર્થન હતું. આ સીટ પર કૉંગ્રેસે પોતાનો કોઈ ઉમેદવાર ઉભો રાખ્યો નથી.

જિગ્નેશ મેવાણીને અભિનંદન આપવા પર સ્વરા ભાસ્કર માટે ટ્વિટર યૂઝર્સે ખૂબજ શરમજનક શબ્દોનો પ્રયોગ કર્યા છે.

કેટલાક યૂઝર્સે તો જેએનયૂના હોવા પર સવાલ ઉઠાવ્યા તો કેટલાકે સ્વરાને જિગ્નેશ સાથે મેરેજ કરવાની સલાહ પણ આપી દીધી. જો કે સ્વરાએ હજું સુધી તેના પર કોઈ જવાબ આપ્યો નથી.