બોલિવૂડ રેપર અને પંજાબી સિંગર બાદશાહના ચાહકો માટે એક ખરાબ સમાચાર સામે આવ્યા હતાં. મીડિયા રિપોર્ટ્સ પ્રમાણે, પંજાબના સરહિન્દથી દિલ્હી જઈ રહેલા નેશનલ હાઈવે પર સિંગર બાદશાહની કારને અકસ્માત નડ્યો હતો. આ દુર્ઘટનામાં બાદશાહને નાની મોટી ઈજાઓ થઈ હતી.
મીડિયા રિપોર્ટ્સ પ્રમાણે, ધુમ્મસનાં કારણે આ અકસ્માત સર્જાયો હતો જેમાં એકસાથે ઢગલા બંધ ગાડીઓ ટકરાઈ હતી. રાજપુરા-સરહિન્દ બાયપાસ પર પુલનું કામ ચાલી રહ્યું છે. અંધારામાં કોઈ સાઈન બોર્ડ ન હોવાના કારણે ધુમ્મસમાં કાર ભૂલથી સ્લેબ પર ચઢી ગઈ હતી.
સ્થાનિક મીડિયા રિપોર્ટ્સ પ્રમાણે, કારમાં એરબેગ હોવાના કારણે બાદશાહને કોઈ મોટી ઈજા પહોંચી નથી ત્યાર બાદ બાદશાહ કારને ત્યાં જ છોડી બીજી કારમાં સવાર થઈને રવાના થઈ ગયો હતો.