નવી દિલ્હીઃ સૈફ અલી ખાનની દીકરી અને સિમ્બા સ્ટાર સારા અલી ખાન પોતાની આગામી ફિલ્મ રિલીઝ થતા પહેલા જ કાયદાકીય મુશ્કેલીમાં ફસાઈ ગઈ છે. સારા હાલમાં કાર્તિક આર્યન સાથે લવ આજ કલ-2નાં શૂટિંગમાં વ્યસ્ત છે. જેના ભાગરૂપે બન્ને સ્ટાર્સ થોડા દિવસ પહેલા દિલ્હી આવ્યા હાત. આ દરમિયાન સારા અલી ખાનનો કાર્તિક આર્યન સાથેનો વીડિયો વાયરલ થયો હતો જેમાં તે કાર્તિક સાથે બાઈક પર પાછલ બેસેલી જોવા મળી રહી હતી. વીડિયોમાં તે હેલમેટ વગર જોવા મળી રહી હતી. જેના પર લોકોએ તેને ખૂબ ટ્રોલ કરી હતી.


સારાએ હેલમેટ ન પહેરીને આ મામલો પોલીસ સુધી પહોંચ્યો છે. સારા વિરૂદ્ધ પોલીસ ફરિયાદ કરવામાં આવી છે. મંગળવારે દિલ્હી પોલીસે દિલ્હીના રસ્તાઓ પર સારાને હેલમેટ પહેર્યાવીના ફરતાં તે અંગે માહિતી માંગી છે. રિપોર્ટ અનુસાર આ મામલે સીનિયર પોલીસ ઓફિસરનું કહેવું છે કે ઘટના અંગે એકટ્રેસ પર મોટર વ્હીકલ એક્ટને લઈને એક્શન લેવામાં આવશે.

આપને જણાવી દઈએકે વીડિયો જ્યારે સોશિયલ મીડિયા પર સારાને ટ્રોલ કરવામાં આવી હતી. દિલ્હી પોલીસને આ વીડિયો ટેગ કરવામાં આવ્યો હતો. રોડ સેફ્ટીના નિયમોને સારાએ તોડતાં તેની સખત આલોચના થઈ હતી. હાલ સારા અલી ખાન ન્યુયોર્કમાં પોતાની બેસ્ટ ફ્રેંડ સાથે હોલિડે મનાવી રહી છે.