શબાના આઝમીની સાથે બનેલી દુર્ઘટનાના સમાચાર મળતા જ બોલિવૂડ સેલેબ્સ અને રાજનેતાઓએ તેમના જલ્દી સ્વસ્થ થવાની પ્રાર્થના કરી. PM મોદીએ પણ ટ્વીટ કરી હતી. બીજી તરફ એક્ટ્રેસ ઉર્વશી રોતેલાએ તેમના જેવી જ ટ્વીટ કરતા તે ટ્રોલ થઈ ગઈ.
પીએમ મોદીની ટ્વીટના કલાકો પછી ઉર્વશીએ ટ્વીટ કરી હતી. ઉર્વશીએ ટ્વીટમાંથી વર્ડ ટૂ વર્ડ કોપી કર્યા, જે પછી તે સોશ્યલ મીડિયા પર ખૂબ જ ટ્રોલ થઇ રહી છે.
શબાના આઝમીના અકસ્માતના સમાચાર મળ્યા બાદ પીએમ મોદીએ પોતાની ટ્વીટમાં લખ્યુ કે, શબાના આઝમીની દુર્ઘટનામાં ઘાયલ થવાના સમાચાર ઘણા દુખદ છે. હું જલ્દીથી તેમના સ્વસ્થ થઇ જાય તે માટે કામના કરું છું. જોકે આ ટ્વીટ પછી એક્ટ્રેસે કરેલી કોપી પેસ્ટ કરવાથી સોશ્યલ મીડિયા પર યૂઝર્સે ઉર્વશીને ટ્રોલ કરવાનું શરૂ કરી દીધુ.
ઉર્વશી રોતેલા છેલ્લે ફિલ્મ ‘પાગલપંતી’માં જોવા મળી હતી. આ ફિલ્મમં તેની સાથે અનિલ કપૂર, જ્હોન અબ્રાહમ, અરશદ વારસી, સૌરભ શુક્લા, ઈલિયાના ડિ ક્રૂઝ, પુલકિત સમ્રા અને ક્રિતિ ખરબંદા પણ જોવા મળ્યાં હતા. આ ફિલ્મ 22 નવેમ્બરે રીલિઝ થઈ હતી.