Nawazuddin Siddiqui- Aaliya Siddiqui: નવાઝુદ્દીન સિદ્દીકી અને આલિયા સિદ્દીકી ભલે અલગ થઈ ગયા હોય પરંતુ અભિનેત્રી હજી પણ ઘણા ઇન્ટરવ્યુમાં અભિનેતા વિશે વાત કરે છે. હવે તાજેતરમાં આલિયાએ ફરી એકવાર નવાઝુદ્દીન પર ટોણો માર્યો છે. આલિયાનું કહેવું છે કે નવાઝુદ્દીને તેના અફેર વિશે ખુલીને વાત ન કરવી જોઈએ. આટલું જ નહીં, આલિયા એ પણ કહે છે કે એવા ઘણા સુપરસ્ટાર છે જેમના ઘણી મહિલાઓ સાથે અફેર છે, પરંતુ તેઓ તેને છુપાવે છે. નવાઝુદ્દીને તેની બાયોગ્રાફીમાં તેના અંગત જીવન વિશે બધું કહ્યું હતું, જેમાં તેના સંબંધો વિશે પણ વાત કરવામાં આવી હતી.
પુત્રીને અસર થશે
એક ઈન્ટરવ્યુમાં આલિયાએ કહ્યું હતું કે, 'નવાઝુદ્દીન પોતાના અફેર વિશે વાત કરીને સારું નથી કર્યું. આની અસર અમારી દીકરી પર પણ પડી શકે છે. દીકરી શોરા હવે મોટી થઈ ગઈ છે અને તેના પિતા વિશે આવી વાતો સાંભળીને તેના મન પર ખોટી અસર થશે. નવાઝુદ્દીન જવાબદાર પિતા હોવો જોઈએ.
આલિયાએ સુનીતા રાજવાર વિશે પણ વાત કરી જેના વિશે નવાઝુદ્દીને તેની બાયોગ્રાફીમાં જણાવ્યું કે તે તેની સાથે રિલેશનશિપમાં રહી છે. આલિયાએ કહ્યું કે સુનીતા વિશે ખુલ્લેઆમ કહેવાથી તેને નુકસાન થઈ શકે છે. જોકે સુનીતાએ પાછળથી સ્પષ્ટતા કરી દીધી હતી કે તેણે નવાઝુદ્દીન સાથે સંબંધ એટલા માટે નહોતો તોડ્યો કારણ કે તે સ્ટ્રગલ કરી રહ્યો હતો પરંતુ તેની હલકી માનસિકતાને લીધે તેણે સંબંધો તોડી દીધા હતા.
બોયફ્રેન્ડ સાથે ખુશ
આ દરમિયાન આલિયાએ એ પણ જણાવ્યું કે હાલમાં તે તેના બોયફ્રેન્ડ સાથે ખુશ છે અને તેની સાથે જીવનની આ પળ માણી રહી છે.
બીગ બોસ ઓટીટીમાંથી આલિયા બહાર
આલિયા બિગ બોસ OTT 2માં સ્પર્ધક તરીકે ગઈ હતી. પરંતુ ટૂંક સમયમાં તે બહાર થઈ ગઈ હતી. શોમાંથી બહાર આવ્યા બાદ આલિયાએ સલમાન ખાન અને શો પર આરોપ લગાવ્યો કે તેઓએ તેને બળજબરીથી નિશાન બનાવી. તેણે કહ્યું હતું કે નવાઝુદ્દીન અને તેના પરિવાર વિશે વાત કરવા માટે મને વારંવાર અટકાવવામાં આવી હતી. જ્યારે બાકીના સ્પર્ધકોએ ઘણી વખત તેમના અંગત જીવન વિશે વાત કરી છે.