એક્ટર ધર્મેન્દ્ર હાલ ફિલ્મોથી દુર છે, અને તે હંમેશા સોશ્યલ મીડિયા મારફતે પોતાના ફેન્સથી કનેક્ટ કરવા પ્રયાસ કરે છે. સોશ્યલ મીડિયા પર પોતાની સક્રિયતાના કારણે તેમનુ ફેન ફોલોઇંગ પણ જબરદસ્ત વધી રહ્યું છે. ધર્મેન્દ્ર જમીન અને ખેતી સાથે જોડાયેલુ વ્યક્તિત્વ ધરાવે છે, જેથી તે ખેતી, ખેડૂત અને સામાન્ય માણસને લગતા વીડિયો અવારનવાર શેર કરતા રહે છે.
તાજેતરમાં જ એક્ટર ધર્મેન્દ્રએ પોતાના ઓફિશિયલ એકાઉન્ટ પરથી એક વીડિયો શેર કર્યો છે, જેમાં તે પોતે ગાડીમાં બેસેલા દેખાઇ રહ્યાં છે, અને આજુબાજુ ભેંસોનુ ટોળુ છે. એટલે કે એક્ટર નવરાશના સમયે ભેંસો ચરાવવા નીકળ્યા છે. આ વીડિયો શેર કરતાં ધર્મેન્દ્રએ લખ્યું- પ્રેમ જ પ્રેમ મળે છે મુંગા આ સાથીઓ પાસેથી. પક્ષીઓને જ્યાં દેખાય ત્યાં લઇ જાંઉ છુ આમને. એવુ પહેલીવાર નથી કે ધર્મેન્દ્રએ આ પ્રકારનો વીડિયો શેર કર્યો હોય. ધર્મેન્દ્ર ફિલ્મોથી ભલે દુર છે પરંતુ તેમનું ફેન ફોલોઇંગ જબરદસ્ત છે.
ધર્મેન્દ્રના ઇન્સ્ટાગ્રામ પર લગભગ 9 લાખ ફોલોઅર્સ છે, જે અત્યારે પોતાના એકાઉન્ટ પર 400થી વધુ વીડિયો અને ફોટો શેર કરી ચૂક્યા છે. ધર્મેન્દ્રના આ મિજાજને ફેન્સ ખુબ પસંદ કરી રહ્યાં છે.