મુંબઈ: બોલીવૂડ અભિનેત્રી સારા અલી ખાને સોશિયલ મીડિયામાં એક વીડિયો શેર કર્યો છે જેની સાથે તેણે એક કેપ્શન લખ્યું છે અને પોતાના માતા-પિતાની માફી માંગી છે. સારાએ લખ્યું, સોરી અમ્મી અબ્બા, નાક કાટ દી મેને. તમને જણાવી દઈએ સારાએ આ કેપ્શન મજાક કરવા માટે લખ્યું છે કારણ કે તેના નાક પર ઈજા થઈ છે. સારા અલી ખાન પોતાના નાક પર થયેલી ઈજાને પણ બતાવે છે. તમને જણાવી દઈએ કે સારા છેલ્લા ઘણા સમયથી અતરંગીના શૂટિંગમાં વ્યસ્ત છે. આ ફિલ્મમાં તેની સાથે અક્ષય કુમાર અને સાઉથ સુપરસ્ટાર ધનુષ જોવા મળશે. આનંદ એલ રાય નિર્દેશિત આ ફિલ્મના શૂટિંગ ગત વર્ષે જ પૂર્ણ થવાનું હતું પરંતુ કોરોના લોકડાઉનના કારણે ન થઈ શક્યું.
આ સિવાય સારા અલી ખાન થોડા દિવસો પહેલા આસામમાં એક ડોક્યૂમેંટ્રીની શૂટિંગમાં વ્યસ્ત હતી જે આસામ પોલીસ કમાન્ડો બટાલિયન-વીરાંગના પર આધારિત છે. સારા અલી ખાન સોશિયલ મીડિયા પર ખૂબ જ એક્ટિવ છે. સારા પોતાની ફિટનેસ સાથે જોડાયેલા વીડિયો પણ શેર કરતી રહે છે. તેના વર્કઆઉટના વીડિયો ખૂબ જ વાયરલ થાય છે. થોડા દિવસો પહેલા સારા અલી ખાનનું એક ફોટોશૂટ પણ વાયરલ થયું હતું જેમાં તે બ્લેક ડ્રેસમાં ખૂબ જ હોટ અંદાજમાં પોઝ આપી રહી હતી.
તમને જણાવી દઈએ કે સારા અલી ખાન ગત વર્ષે કુલી નંબર 1 જેવી ફિલ્મોમાં જોવા મળી હતી જે ફ્લોપ સાબિત થઈ હતી. આ પહેલા સારા અલી ખાન ફિલ્મ કેદારનાથથી 2018માં ડેબ્યૂ કર્યું હતું. આ ફિલ્મમાં તેના કો સ્ટાર સુશાંત સિંહ રાજપૂત હતા. બાદમાં સારા સિંબા અને લવ આજ કલ જેવી ફિલ્મોમાં જોવા મળી હતી. સારા અલી ખાન બોલીવૂડ અભિનેતા સૈફ અલી ખાન અને અભિનેત્રી અમૃતા સિંહની દિકરી છે.