એક્ટ્રેસ ઝરીન ખાને આ રૉલને લઇને માને છે કે, સિનેમાનો ઉપયોગ જુની પેઢીને આ મુદ્દા પર સહજતાથી વાત કરવા માટે કરવામાં આવવો જોઇએ. તેને આ ફિલ્મને લઇને કહ્યું કે, જો સમાજ સાથ નહીં આપે તો તેઓ આઝાદ થઇને કેવી રીતે ફરી શકશે.
ઝરીને ફિલ્મને લઇને કહ્યું કે, આ ફિલ્મની સ્ટૉરી સાંભળીને મને લાગ્યુ કે ફિલ્મોમાં આવવા માટે આ સ્ટૉરી કેટલી મહત્વની છે. કલમ 377ને કોર્ટે માન્ય ગણી છે, પણ સમાજ અને આપણા મા-બાપની પેઢી આને સ્વીકારવા તૈયાર નથી. સમલૈંગિક આપણી બધાની જેમ જ સામાન્ય છે. આ માત્ર એક યૌન ઓરિએન્ટેશન છે બીજુ કંઇજ નથી. યુવા પેઢી આને લઇને હવે વાત કરવા લાગી છે. જો સમાજ તેને સમર્થન નહીં આપે તો તે કેવી રીતે આઝાદીથી જીવશે?
નોંધનીય છે કે, ફિલ્મની કહાની બે સમલૈંગિક પાત્રોની આજુબાજુ ફરે છે. જેમાં ઝરીન અને અંશુમન ઝા બન્ને સમલૈગિક છે. ઝા ફિલ્મ નિર્માતા છે અને હરીશ વ્યાસ આના નિર્દેશક છે. આ ફિલ્મ મેનહટ્ટનમાં સાઉથ એશિયન ફેસ્ટિવલમાં 22 નવેમ્બરે બતાવવામાં આવશે.