The Kerala Story BO Day 13: સુદીપ્તો સેન દ્વારા નિર્દેશિત વિવાદાસ્પદ ફિલ્મ 'ધ કેરલા સ્ટોરી' વર્ષની બીજી સૌથી મોટી હિટ ફિલ્મ બની છે. આ ફિલ્મે રણબીર કપૂર-શ્રદ્ધા કપૂર સ્ટારર તુ જૂઠી મેં મક્કારનું લાઈફટાઈમ કલેક્શન તેની રિલીઝના બે અઠવાડિયાથી ઓછા સમયમાં પાર કરી લીધું છે. આ ફિલ્મ શરૂઆતના દિવસથી જ બોક્સ ઓફિસ પર શાનદાર બિઝનેસ કરી રહી છે. ચાલો જાણીએ કે 'ધ કેરલા સ્ટોરી'એ રિલીઝના 13માં દિવસે કેટલો બિઝનેસ કર્યો છે.
'ધ કેરલા સ્ટોરી' એ 13મા દિવસે કેટલી કમાણી કરી?
'ધ કેરલા સ્ટોરી' બોક્સ ઓફિસ પર ધમાલ મચાવી રહી છે. આ ફિલ્મ ઘણા વિવાદોમાં ઘેરાયેલી છે પરંતુ તેને દર્શકો દ્વારા સારો પ્રતિસાદ મળ્યો છે. આ સાથે ફિલ્મ ટિકિટ બારી પર જોરદાર કમાણી કરી રહી છે. જો કે છેલ્લા બે દિવસથી ફિલ્મની કમાણી થોડી ઘટી છે, પરંતુ ફિલ્મ હજુ પણ સારો બિઝનેસ કરી રહી છે. તે જ સમયે 'ધ કેરલા સ્ટોરી'ની રિલીઝના 13મા દિવસના કલેક્શનના પ્રારંભિક આંકડા પણ આવી ગયા છે.
SacNilk ના પ્રારંભિક ટ્રેન્ડ રિપોર્ટ અનુસાર, 'ધ કેરલા સ્ટોરી' એ બીજા બુધવારે એટલે કે 13માં દિવસે 9.25 કરોડ રૂપિયાનો બિઝનેસ કર્યો છે. જે બાદ હવે ફિલ્મની કુલ કમાણી 165.94 કરોડ રૂપિયા થઈ ગઈ છે. આ સાથે 'ધ કેરળ સ્ટોરી' હવે 200 કરોડની ક્લબમાં સામેલ થવા તરફ આગળ વધી રહી છે.
'તુ જૂઠી મેં મક્કાર'નો રેકોર્ડ તોડ્યો
દિગ્દર્શક લવ રંજનની 'તુ જૂઠી મેં મક્કાર' માર્ચમાં રિલીઝ થઈ હતી. બોલિવૂડ હંગામાના રિપોર્ટ અનુસાર ફિલ્મે લાઈફટાઈમ 149.05 કરોડ રૂપિયાની કમાણી કરી હતી. તે જ સમયે ટ્રેડ એનાલિસ્ટ અનુસાર કેરલા સ્ટોરી 200 કરોડ રૂપિયાનો આંકડો પાર કરે તેવી શક્યતા છે. આ સાથે શાહરૂખ ખાનની 'પઠાણ' પછી આ આંકડો પાર કરનારી તે વર્ષ 2023ની બીજી હિન્દી ફિલ્મ બની જશે. તમને જણાવી દઈએ કે 'ધ કેરલા સ્ટોરી'એ 500 કરોડ રૂપિયાથી વધુની કમાણી કરીને બોક્સ ઓફિસના ઘણા રેકોર્ડ તોડી નાખ્યા છે.