Shah Rukh Khan Pathan: બોલિવૂડ ફિલ્મોને બોયકોટ કરવાનો ટ્રેન્ડ વધી રહ્યો છે. તાજેતરમાં આમિર ખાનની ફિલ્મ લાલ સિંહ ચઢ્ઢા અને અક્ષય કુમારની ફિલ્મ રક્ષાબંધનનો બોયકોટ કર્યા બાદ હવે ટ્વિટર પર શાહરૂખ ખાનની ફિલ્મ પઠાણનો બહિષ્કાર કરવાની ચર્ચા ચાલી રહી છે. #BoycottPathan ટ્વિટર પર ટ્રેન્ડ કરી રહ્યું છે.
શાહરુખની ફિલ્મને બોયકોટ કરવાની અપીલ
બોલિવૂડ સુપરસ્ટાર શાહરૂખ ખાનના ફિલ્મ પઠાણને બોયકોટ કરવાની અપીલ કરવામાં આવી રહી છે અને ટ્વિટર પર #BoycottPathan ટ્રેન્ડ કરવામાં આવી રહ્યું છે. આવી સ્થિતિમાં શાહરૂખ ખાનની કમબેક ફિલ્મ તેની રિલીઝ પહેલા જ મુશ્કેલીમાં હોય તેવું લાગી રહ્યું છે. અન્ય યુઝરે લખ્યું- મિશન સ્ટાર્ટ. #BycottPathan.
પઠાણ ક્યારે રીલિઝ થશે?
શાહરૂખ ખાનની ફિલ્મ પઠાણ 25 જાન્યુઆરી 2023ના રોજ થિયેટર્સમાં રિલીઝ થઈ રહી છે. આ ફિલ્મમાં શાહરૂખ ખાન સાથે દીપિકા પાદુકોણ લીડ રોલમાં જોવા મળશે. ફિલ્મના શાહરૂખ અને દીપિકાના લુક્સ પણ સોશિયલ મીડિયા પર સામે આવ્યા છે.
શાહરૂખના ફેન્સ તેની ફિલ્મની આતુરતાથી રાહ જોઈ રહ્યા છે. પરંતુ ફિલ્મની રિલીઝ પહેલા જ ટ્વિટર પર બોયકોટ પઠાણના ટ્રેન્ડને કારણે નિર્માતાઓની ચિંતા ચોક્કસપણે વધી ગઈ છે. લાલ સિંહ ચડ્ઢાના બોયકોટ પછી ફિલ્મ બોક્સ ઓફિસ પર અપેક્ષા કરતા ઘણી ઓછી કમાણી કરી રહી છે. બોયકોટની અસર ફિલ્મના બિઝનેસ પર સ્પષ્ટ દેખાઈ રહી છે. હવે શાહરુખની ફિલ્મનું શું થશે? એ જોવું રહ્યુ.