1987માં આવેલી અનિલ કપૂર અને શ્રીદેવીની ફિલ્મ 'મિસ્ટર ઇન્ડિયા' સુપરહિટ રહી હતી. જોકે, હજુ એ વાતની સ્પષ્ટતા નથી થઇ શકી કે આ 'મિસ્ટર ઇન્ડિયા 2' 'મિસ્ટર ઇન્ડિયા'ની સિક્વલ હશે કે રિમેક, પણ અલીએ આ ફિલ્મને એક મોટી જવાબદારી ગણાવી છે.
અલી અબ્બાસ ઝફરે ટ્વીટર પર ફિલ્મની જાહેરાત કરતાં લખ્યુ કે, "જી સ્ટૂડિયોઝની સાથે મિસ્ટર ઇન્ડિયામાં કામ કરવાને લઇને ખુબજ ઉત્સાહિત છું, એક આઇકૉનિક કેરેક્ટર, જે દરેકને પસંદ હોય તેને આગળ લઇ જવાની મોટી જવાબદારી છે. હાલ સ્ક્રિપ્ટ પર કામ કરી રહ્યો છું, કોઇપણ કેરેક્ટર ફિલ્મ માટે હજુ ફાઇનલ નથી કરવામાં આવ્યુ. જ્યારે સ્ક્રિપ્ટનો પહેલો ડ્રાફ્ટ તૈયાર કરી લઇશુ ત્યારે કાસ્ટિંગની શરૂઆત કરીશું."
ઉલ્લેખનીય છે કે, મુખ્ય કેરેક્ટરને લઇને કેટલીક માહિતીઓ સામે આવી છે. કેટલાક મીડિયા રિપોર્ટમાં કહેવામાં આવ્યુ છે કે અનિલ કપૂરની ભૂમિકા વાળા પાત્રમાં રણવીર સિંહ દેખાશે અને સુપરહીરો ફિલ્મમાં કેટરીના કૈફ જોવા મળશે. જોકે, ડાયરેક્ટરે હજુ આ અંગે કોઇ ખુલાસો નથી કર્યો.