કોરોનાની મહામારીના દોઢ વર્ષ પછી થિયેટરમાં 50 ટકાની કેપેસિટી સાથે અક્ષય કુમાર સ્ટાટર 'બેલબોટમ'ને થિયેટરમાં રીલિઝ કરવાનું સાહસ ડિરેક્ટરે દેખાડ્યું છે. આ ફિલ્મ ખરેખરમાં લોકોને થિયેટરમાં જોવા જવા માટે આકર્ષિત કરે તેવી છે. આ ફિલ્મની સફળતા બાકીના નિર્માતાઓને પણ પોતાની ફિલ્મને થિયેટરમાં રીલિઝ કરવા માટે સાહસ આપશે.
200થી વધુ યાત્રીઓ સાથેનું વિમાન હાઈજેક કરીને પાકિસ્તાનના લાહોરમાં લઈ જવામાં આવે છે, તેવા સમયે યાત્રીઓને સુરક્ષિત રીતે કાઢવા માટે તે સમયના વડાપ્રધાન ઈન્દિરા ગાંધી પાસે જૂનો જ રસ્તો છે. પરંતુ આ વખતે અલગ રસ્તો અપનાવવાનું વિચારે છે. તેમાં વિમાન હાઈજેકની સાથે માતા-પુત્રના ભાવનાત્મક સંબંધ અને પતિ પત્નીના પ્રેમને પણ સાથે બતાવે છે. ફિલ્મની સ્ટોરી ક્યારેક વર્તમાન અને ભૂતકાળમાં ચાલે છે.
ફિલ્મમાં પર્સનલ લાઈફ, રાજકારણ અને રોની ભૂમિકા ઘણી સારી બતાવવામાં આવી છે. ફિલ્મમાં ટ્વિટ્સ ત્યારે આવે છે, જ્યારે ઈન્દિરા ગાંધી પાકિસ્તાનના રાષ્ટ્રાધ્યક્ષ જિયા ઉલ હકને કહે છે કે તમે આતંકીઓ સાથે વાત કરશો નહીં અને અમે જાતે કરશું કે શું કરવું છે. વિમાન અપહરણના છેલ્લા ચાર તક પર મધ્યસ્થતા કરનારા પાકિસ્તાનને તેનાથી ઝટકો લાગે છે અને પોતાની ખુફિયા એજન્સીને ISI પોતાના ખાસ માણસ ડોડ્ડીને હાઈજેક પ્લાનને પોતાના હાથમાં લેવા માટે મોકલી આપે છે.
આ 1980ના દશકની સત્ય ઘટનાઓ પર ફિલ્મ આધારિત છે. અસીમ અરોરા અને પરવેઝ શેખની લખેલી ફિલ્મને રંજીત તિવારીએ ઘણી સારી રીતે પડદા પર ઉતારી છે. 123 મિનિટની આ ફિલ્મ દર્શકોને છેલ્લે સુધી બેસાડીને રાખે છે. 53 વર્ષના અક્ષય કુમાર માટે આ ઘણી મોટી ફિલ્મ રાહત લઈને આવી છે કારણ કે 2019માં કેસરી, મિશન મંગલ, હાઉસ ફૂલ 4 અને ગૂડ ન્યૂઝની સાથે તે જબરજસ્ત ફોર્મમાં હતો. પરંતુ 2020માં કોરોનાના કારણે તેની રીલિઝ થનારી સૂર્યવંશી ફિલ્મને પણ ટાળવી પડી હતી અને ઓટીટી પર રીલિઝ થયેલી લક્ષ્મી ફિલ્મને ઘણા ક્રિટીક્સનો સામનો કરવો પડ્યો હતો.
આ ફિલ્મ અક્ષય કુમાર માટે ખૂબ જ મહત્ત્વની છે. ફિલ્મમાં વાણી કપૂરનો રોલ નાનો પરંતુ ખૂબ સારો છે. હુમા કુરેશીને વધારે સ્પેસ આપવામાં આવી નથી. અક્ષય સિવાય ફિલ્મમાં પોતાની તરફ જે કોઈ આકર્ષિત કરે છે એ છે લારા દત્તા અને આદિલ હુસૈન. ઈન્દિરા ગાંધીના ગેટઅપમાં લારાને ઓળખવી મુશ્કેલ છે. પરંતુ તેણે ઘણું સારું કામ કર્યું છે.