Ghuspaithiya Movie: બૉલીવૂડની જાણીતી યંગ એક્ટ્રેસ ઉર્વશી રૌતેલા તેની પ્રૉફેશનલ લાઈફ કરતાં તેની પર્સનલ લાઈફને કારણે વધુ ચર્ચામાં રહે છે. સોશ્યલ મીડિયા પર ઉર્વશીના ફેન્સ ઘણીવાર તેનું નામ જાણીતા ક્રિકેટર ઋષભ પંત સાથે જોડતા જોવા મળે છે. હાલમાં જ ઉર્વશીનો પ્રાઈવેટ વીડિયો વાયરલ થયા બાદ ઘણો હોબાળો થયો હતો. હવે આ વીડિયો અંગે મોટો ખુલાસો થયો છે.
ખરેખરમાં, વાયરલ વીડિયોમાં પાછળથી ખબર પડી કે લીક થયેલો વીડિયો ઉર્વશીનો પ્રાઈવેટ વીડિયો નથી પરંતુ પ્રમૉશનલ વીડિયો હતો, જે ઉર્વશીની આગામી ફિલ્મ ઘૂસપેઠિયાંનો એક પાર્ટ છે. જાણવા મળી રહ્યું છે કે ઉર્વશીની આગામી ફિલ્મ ઘૂસપેઠિયાં 9 ઓગસ્ટના રોજ રીલિઝ થવા જઈ રહી છે. તમને જણાવી દઈએ કે ઉર્વશીની આ બહુપ્રતિક્ષિત ફિલ્મનું ટ્રેલર તાજેતરમાં જ રિલીઝ થયું છે. જે બાદ લોકો ઉગ્ર પ્રતિક્રિયા આપતા જોવા મળે છે.
જ્યારથી નિર્માતાઓએ ઘૂસપેઠિયાંનું ટ્રેલર રિલીઝ કર્યું છે, ટ્રેલરથી સ્પષ્ટ છે કે વિનીત કુમાર સિંહ અને ઉર્વશી રૌતેલા ફિલ્મમાં પતિ-પત્નીની ભૂમિકામાં જોવા મળી રહ્યા છે. આ ફિલ્મમાં અક્ષય ઓબેરોય વિલનની ભૂમિકામાં જોવા મળશે. ફિલ્મની સ્ટૉરી સોશિયલ મીડિયાના કારણે પતિ-પત્નીની જિંદગી કેવી રીતે બરબાદ થઈ જાય છે તેના પર આધારિત છે.