Aishwarya Depart for Cannes 2023: આંતરરાષ્ટ્રીય ફિલ્મ ફેસ્ટિવલ કાન્સ 2023 માટે તમામ સેલેબ્સ ફ્રાન્સ જવા રવાના થઈ રહ્યા છે. ત્યારે હવે ઐશ્વર્યા રાય પણ કાન્સ 2023 માટે ફ્રાન્સ જવા રવાના થઈ ગઈ છે. તે પુત્રી આરાધ્યા સાથે એરપોર્ટ પર જોવા મળી હતી. આ દરમિયાન તેની સાથે સેલ્ફી લેવા માટે ચાહકોની ભીડ તેની આસપાસ એકઠી થઈ ગઈ હતી. ઐશ્વર્યાએ ફેન્સ સાથે સેલ્ફી ક્લિક કરી અને ફેસ્ટિવલ માટે રવાના થઈ હતી.
આ વખતે કાન્સ ફિલ્મ ફેસ્ટિવલ 2023 ફ્રાન્સના ફ્રેન્ચ રિવેરા ખાતે યોજાવાનો છે. આ અવસર પર જ્યાં ઘણા સેલેબ્સ રેડ કાર્પેટ પર પોતાનો ચાર્મ ફેલાવશે ત્યાં કેટલાક નવા સ્ટાર્સ પણ ડેબ્યુ કરશે. સારા અલી ખાન અને ઈશા ગુપ્તા જેવા ઘણા નામ આ લિસ્ટમાં સામેલ છે. તમને જણાવી દઈએ કે આ વર્ષે ઈન્ટરનેશનલ ફિલ્મ ફેસ્ટિવલ કાન્સ 16 મેથી શરૂ થયો છે, જે 27 મે સુધી ચાલશે. કાન્સ ફિલ્મ ફેસ્ટિવલ દરમિયાન ઘણી ફિલ્મો પણ દર્શાવવામાં આવશે.
2002થી કાન્સમાં રેડ કાર્પેટ પર ઐશ્વર્યા
ઐશ્વર્યા જે થોડા દિવસો પહેલા તેની ફિલ્મ પોનીયિન સેલવાન 2 માટે હેડલાઇન્સમાં હતી. તે એરપોર્ટ પર ખૂબ જ સિમ્પલ લુકમાં જોવા મળી હતી. તેણે બ્લેક ઓવર કોટ અને સફેદ પ્રિન્ટવાળા સ્નીકર્સ પહેર્યા હતા. તેની પાસે કાળી બેગ પણ હતી. બીજી તરફ આરાધ્યા ગુલાબી ટોપ પર ડેનિમ જેકેટ અને બ્લુ ટ્રાઉઝરમાં જોવા મળી હતી.
આરાધ્યાના જેકેટે લોકોનું ધ્યાન ખેંચ્યું હતું. તેના જેકેટ પર 'A' લખેલું હતું. ઉલ્લેખનીય છે કે, ઐશ્વર્યા 2002થી કાન્સમાં રેડ કાર્પેટ પર વોક કરી રહી છે. ખાસ વાત એ છે કે તે વર્ષોથી સબ્યસાચી, એલી સાબ, રોબર્ટો કેવલ્લી, માઈકલ સિન્કો જેવા ડિઝાઈનર્સના આઉટફિટ્સ ફોલો કરી રહી છે.
ઐશ્વર્યાની પીએસ 2 એ 300 કરોડથી વધુની કમાણી કરી હતી
ઐશ્વર્યાની તાજેતરમાં રિલીઝ થયેલી ફિલ્મ પોનીયિન સેલ્વન 2 વિશે વાત કરીએ તો, તે કલ્કી કૃષ્ણમૂર્તિની 1955ની તમિલ ઉપન્યાસના સ્ક્રીન રૂપાંતરણનો બીજો ભાગ છે. આ ફિલ્મમાં ઐશ્વર્યાની સાથે જયમ રવિ, વિક્રમ, કાર્તિ, ત્રિશા કૃષ્ણન અને ઐશ્વર્યા લક્ષ્મી પણ લીડ રોલમાં છે. આ ફિલ્મ બોક્સ ઓફિસ પર સફળ સાબિત થઈ હતી અને વિશ્વભરમાં 300 કરોડથી વધુની કમાણી કરી હતી.